Давлатимиз раҳбари топшириғига асосан Президент Халқ қабулхонаси бошчилигида Давлат бошқаруви, Ҳуқуқни муҳофаза қилиш, Ички ишлар вазирлиги академиялари, Жамоат хавфсизлиги университети, Қорақалпоғистон Республикаси Вазирлар Кенгаши билан маҳаллаларда камбағаллик ва ишсизликни қисқартириш, жиноятчиликни камайтириш мавзусида ўқув-амалий семинарлар ташкил этилмоқда.
Оролбўйидаги 16 та туман-шаҳар секторлари раҳбарлари ва 400 дан зиёд маҳалла «еттилик»лари иштирок этаётган семинарлардан асосий мақсад – аҳоли муаммоларини ўрганиш ва ҳал этиш, секторлар раҳбарлари ва «маҳалла еттилик»лари фаолияти самарадорлигини янада оширишдан иборат.
Мурожаатлар билан ишлаш, ариза-шикоятларга сабаб бўлаётган омилларни аниқлаш ва ҳал қилиш семинарларнинг асосий мавзуларидан бири бўлди. Президент виртуал ва Халқ қабулхоналарига жорий йилнинг ярмида Оролбўйи аҳолисидан 31 мингдан ортиқ мурожаат келиб тушган бўлса, уларнинг қарийб 20 мингдан зиёди қаноатлантирилган.
Мурожаатларнинг катта қисми моддий ёрдам ажратиш масаласида экани ҳам аҳоли бандлигини таъминлаш, даромадини оширишни тақозо этади. Шу боис мазкур семинарлар Сайхунобод, Уйчи, Ғиждувон тажрибалари асосида ҳудудларни саноатлаштириш, аҳоли бандлигини таъминлаш, кам даромадли хонадонларга 7 хил лойиҳа пакетларини тақдим қилиш, «мижозбай» ишлаш механизмини жорий этиш орқали банклар фаолиятини жонлантириш каби мавзуларни қамради.
Шунингдек, «маҳалла бюджети»ни шакллантириб, самарали бошқариш, сектор раҳбарлари, «маҳалла еттилик»лари фаолиятининг самарадорлиги хусусида сўз борди.
Назарий машғулотлар ўз ўрнида амалиёт билан уйғун олиб борилди. Дейлик, Тахтакўпирнинг Довқара, Хўжайлидаги Кун нури, Беруний туманининг Бунёдкор, Саркоп каби маҳаллаларидаги мулоқотларда мазкур ҳудудлардаги ариза-шикоятларга сабаб бўлаётган масалалар жойида аниқланиб, секторлар раҳбарлари ва «маҳалла еттилик»лари билан бирга уларни бартараф этиш бўйича чора-тадбирлар белгиланди.
Бу каби ўқув-амалий семинарлар бошқа вилоятларда ҳам ташкил қилинди. Натижада уларда жами 51 туман-шаҳар секторлари раҳбарлари ва 1 960 та «маҳалла еттилик»лари қамраб олинди.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |