Андижон шаҳрида “Ёшлар ойлиги” доирасида ишсиз ёшлар ҳамда ишлаш истагидаги фуқаролар бандлигини таъминлаш мақсадида меҳнат ярмаркаси ташкил этилди.

Тадбир 10 минг 500 бўш иш ўрни ҳамда 160 дан ортиқ ташкилотни қамраб олди. Шунингдек, олий, профессионал ва ўрта махсус таълимни эгаллаган 3 мингдан зиёд фуқаро мавжуд бўш иш ўрни билан танишиш ва ишга жойлашиш мақсадида ярмаркага ташриф буюрди. 500 га яқин фуқаро шу жойнинг ўзида иш билан таъминланди ҳамда 300 дан зиёд йигит-қиз билан билан келишув амалга оширилди.