Янги Наманган туманида жойлашган Мудофаа ишлари бошқармаси ҳузуридаги Чақирилувчиларни ҳарбий техника мутахассисликлар бўйича тайёрлаш марказида 9 май – Хотира ва қадрлаш куни муносабати билан “Юрт тинчлиги – бебаҳо неъмат” шиори остида “Уч авлод учрашуви” ўтказилди.

Тадбир доирасида мард ўғлонларнинг кўргазмали чиқишлари, миллий маҳсулотлар намойиши, бўш иш ўринлари меҳнат ярмаркаси ва “Заковат” интеллектуал ўйини ташкил этилди.

“Устоз-шогирд” анъаналарини уйғунлаштириш, кексаларнинг бой тажрибасини ёш авлодга улашиш мақсадида қаратилган учрашувда кўп йиллик ҳаёт тажрибасига эга фахрийлар, жамият ривожига муносиб улуш қўшаётган ўрта ёш авлод вакиллари ҳамда шижоатли, иқтидорли ёшлар ўзаро фикр алмашди, дилдан суҳбат қурди.  

Бу каби тадбирлар ёшларга маънавий озуқа улашиш билан бир қаторда, уч авлод вакилларининг ўзаро ҳамкорлик алоқаларини мустаҳкамлашга хизмат қилади.