Тошкент давлат иқтисодиёт университетида Тошкент шаҳар ҳокими в.б. Шавкат Умурзоқов иштирокида "Ҳоким ва ёшлар" учрашуви бўлиб ўтди.

Тадбирда Шавкат Умурзоқов Президентимиз томонидан ёшлар бандлигини таъминлаш, сифатли таълим билан қамраб олиш ва бўш вақтларини мазмунли ташкил этиш, ижтимоий қўллаб-қувватлаш ҳамда соғлом фирклашларига замин яратиш бўйича вазифалар белгилаб берилганини таъкидлаб ўтди.  

Қайд этилганидек, ушбу вазифалар ижроси доирасида 2023 йил давомида кўмакка муҳтож оғир тоифадаги ёшларнинг муаммолари ҳал қилинди, ишсиз ҳамда мактаб битирувчиларининг бандлиги таъминланди.  Бундан ташқари, йил давомида “Ёшлар дафтари”га киритилган  ёшларга ҳам кўмак кўрсатилиб, муаммолари ҳал қилинди.  

Ёшларга кўмаклашиш, уларни қўллаб-қувватлаш борасида келгуси йилга режалаштирилган ишлар, ёшларнинг бандлигини таъминлаш бўйича манзилли рўйхат шакллантирилгани, шунингдек, “Ёшлар дафтари” доирасида кўмак олишлари кутилаётгани айтиб ўтилди.  

Учрашув якунида Ш.Умурзоқов ёшларнинг саволларига жавоб бериб, ўз ҳаёт ва меҳнат тажрибаси билан ўртоқлашди. Тадбир якунида йил давомида юқори натижаларга эришган энг фаол ёшлар Ташаккурнома ва эсдалик совғалари билан тақдирланди.