Олий суд раиси ўринбосари Икром Муслимов Бухоро вилояти Вобкент туманида сайёр учрашув ўтказди. Унда туман ҳокими бошчилигида сектор раҳбарлари, маҳаллалар фаоллари, ёшлар, спортчилар ва мутасадди ташкилотлар раҳбарлари, “Поноб” ва “Ҳажувон” маҳаллалари аҳолиси иштирок этди.
Тадбирда жиноятчиликнинг олдини олишга қаратилган ишлар таҳлил этилди. Жиноятчиликнинг олдини олишда ёшларнинг ўрни ҳақида тўхталиб ўтилди. Ўсмирлар билан очиқ мулоқотни кенгайтириш ва одил судловни амалга оширишда жамоатчилик ролини ошириш кераклиги таъкидланди. Ёшларни маърифатга чорлаш, улар орасида жиноятчиликни камайтиришда талабалар тенгдошларига ўрнак бўлиши ва ўзлари ҳам ҳар қадамда сергак туриши, ватан равнақи йўлида ўзини дахлдор ҳис қилиши кераклиги қайд этилди. Юртимизда ёшларнинг билим олишлари учун яратилган муносиб шароитлар, шунга яраша эртамиз эгалари доимо олдинга интилиши, билимга чанқоқлик, меҳнатсеварлик фазилатларини шакллантиришлари лозимлиги, китобга меҳр қўйишлари, ўз билим ва маънавиятини ошириб боришлари, ёт ғояларга берилмаслик ҳақида тушунтиришлар берилди.
Шунингдек, учрашув давомида ёшлар ўртасида ҳуқуқбузарлик ва жиноятчиликни олдини олиш, эрта никоҳни олдини олиш ва никоҳдан ажралишларга йўл қўймаслик, ёшларнинг сиёсий ҳуқуқлари хусусидаги масалаларда мулоҳазалар ўртага ташланди.
Олий суд раиси ўринбосари Икром Муслимов фуқаролар билан учрашувда мамлакатимиздаги бугунги сиёсий-ижтимоий вазият, давлат сиёсатининг асосий йўналишлари, суд-ҳуқуқ тизимидаги сўнгги янгилик ва ўзгаришлар ҳақида, шунингдек, мазкур сайёр учрашувни ташкил этишдан кўзланган мақсад ҳақида батафсил тушунча берди. Кейинги йилларда давлат раҳбари ташаббуси билан ташкил этилаётган сайёр қабуллар ва учрашувларнинг самарали бўлаётганлиги, одамларнинг муаммолари ўз вақтида ечим топаётганлиги таъкидланди.
Йиғилганларни сайёр учрашувларда фаол бўлишга чақирди. Шунингдек, аҳолининг суд-ҳуқуқ масалалари бўйича саволларига ҳам батафсил жавоб берилди.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |