2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Давлат хизматлари агентлиги бир ёшда. Кўрсатилаётган хизматлардан аҳоли розими?

“Халқ давлат идораларига эмас, давлат идоралари халқимизга хизмат қилиши керак”. Ушбу улуғвор ғояни сўзсиз амалга ошириш мақсадида мамлакатимиз раҳбари ташаббуси билан Ўзбекистон Республикаси Адлия вазирлиги ҳузурида Давлат хизматлари агентлиги ташкил этилганига эртага роппа-роса бир йил тўлади.

Хўш, шу вақт давомида Агентлик томонидан қандай ишлар амалга оширилди? Кўрсатилаётган хизматлардан аҳоли розими? Ютуқлар ва муаммолар нималарда намоён бўлди?

Давлат хизматлари агентлиги матбуот хизмати маълумотларига кўра, бугунги кунда республика бўйича 201 та ана шундай Марказлар ташкил этилган бўлиб, улар томонидан аҳолига жами 103 турдаги сифатли давлат хизматларини кўрсатиш йўлга қўйилган. Шундан 31 тасиэкспериментал давлат хизмати бўлиб, улар ҳар бир вилоятда биттадан туман-шаҳарда кўрсатилади. 2020 йилгача Марказлар орқали 160 дан ортиқ шаффоф, қулай ва тезкор давлат хизматларини кўрсатиш режалаштирилган.

Агентлик томонидан давлат хизматларини кўрсатиш тартиботларини соддалаштириш, тақдим этиладиган ҳужжатлар сони ва мурожаатларни кўриб чиқиш муддатини кескин қисқартиришга қаратилган 54 та норматив-ҳуқуқий ҳужжат лойиҳалари ишлаб чиқилди. Шу орқали фуқаролар томонидан талаб этиладиган ҳужжатлар сони 155 тадан 92 тага камайтирилди, хизмат кўрсатиш учун талаб этилган жами 522 кунлик муддат 218 кунга қисқартирилди.

Замонавий архитектура-қурилиш ечимлари, юқори энергия самарадорлиги, ташриф буюрувчиларга сифатли ва тезкор хизмат кўрсатиш учун қулай шарт-шароитларни ўзида мужассамлаштирган инновацион Давлат хизматлари марказлари биноларини қуриш учун давлат-хусусий шериклик шартлари асосида барпо этиш бўйича бир қатор ишлар амалга оширилди. Хусусан, 159 та ана шундай марказ биносини қуриш учун ер участкаси ҳамда 31 та бўш турган бино иншоотларини ажратиш юзасидан ҳоким қарори қабул қилинди. Шунингдек, жами 81 та Марказ биносини давлат-хусусий шериклик шартлари асосида қуриб битказиш ҳамда реконструкция қилиш юзасидан келишувга эришилиб, шундан 4 тасида қурилиш ишлари бошлаб юборилди. Айни вақтда 95 та Марказ биноларини қуриш ишлари олиб борилмоқда.

Режалар ҳам улкан. Жумладан, давлат хизматларини кўрсатишда аҳолига янада қулайликлар яратиш учун жамоат транспортларининг энг серқатнов бекатлари (метро, автовокзал ва аэропортлар, шунингдек, бозорлар ва йирик савдо комплекслари)да “йўл-йўлакай” давлат хизматларини жорий этиш режалаштирилган. Бундай хизматлар Япония, Жанубий Корея, Бразилия каби ривожланган мамлакатларда самарали йўлга қўйилган.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти

Фойдали ресурслар