Пойтахтимизда Ўзбекистон Миллий медиа ассоциацияси томонидан 3 май – Жаҳон матбуоти эркинлиги куни муносабати билан "Бирлашиш нуқтаси" медиа анжумани ўтказилди.
Ўзбекистон Миллий медиа ассоциацияси Бошқаруви раиси, профессор Шерзодхон Қудратхўжа ва бошқалар миллий оммавий ахборот воситаларини ривожлантириш борасидаги амалий ишларда нодавлат медиа тузилмалари ҳам муттасил равнақ топиб бораётганини таъкидлади.
Дарҳақиқат, бугунги кунда медиа дунёсида катта ўзгаришлар юз бермоқда. Дунёда журналистика мислсиз тарзда ўзгариб бормоқда. Анъанавий журналистикадан замонавий, креатив, тезкор журналистикага ўтилмоқда. Журналистика соҳаси кейинги йилларда кескин ўзгаришларга юз тутгани баробарида бу журналистларнинг ўзига ҳам, одамларнинг, айниқса телетомошабинларга ҳам таъсир этмоқда. Рақамли оммавий ахборот воситалари ролининг кескин ўсиши истеъмолчиларининг янгиликларни олиш усулларини кескин ва сезиларди даражада ўзгартирди.
Мамлакатимиз янги тараққиёт босқичига кўтарилаётган, очиқлик, ошкоралик, сўз ва фикр эркинлиги ҳаётимиз мезонига айланиб бораётган ҳозирги кунда оммавий ахборот воситаларига бўлган эътибор тобора ортиб бормоқда. Бу эса миллий медиа вакиллари зиммасига катта масъулият юклайди. Шуни ҳам айтиш керакки, мамлакатимизда ўтказилган референдум жараёни нодавлат телерадиоканаллари ва журналистлар учун жуда катта тажриба мактаби бўла олди.
Медиа анжуманда бугунги журналистикада сўз эркинлиги, куни кеча бўлиб ўтган референдум жараёнларида медианинг роли, нодавлат телерадиоканалларнинг иштироки ҳақида фикрлар билдирилди. Шунингдек, учрашувда ташкилотнинг номи "Ўзбекистон Миллий медиа ассоциацияси"дан "Ўзбекистон Миллий медиа бирлашмаси"га ўзгартирилди.
Миллий медиа бирлашмаси ўз сафига янада кўплаб янги аъзоларни қабул қилиши, медиа вакилларининг мулоқот қиладиган, ўзаро фикр алмашадиган майдонга айланаётгани ҳамда бирлашиш, бир бўлиб журналистика соҳасида катта марраларни забт этиш мумкинлиги таъкидланди.
Шунингдек, умумий йиғилишнинг кун тартибида ташкилотнинг 2022 йил давомида амалга оширилган ишлари ва 2023 йилга мўлжалланган истиқболли режаси, Ўзбекистон Миллий медиа бирлашмаси Бошқаруви раисининг ўринбосари - Бош директори Абдуазиз Абуталипов номзодини тасдиқлаш ҳамда тузилманинг янги аъзоларини қабул қилиш бўйича қарорлар тасдиқланди. Ташкилот аъзолари журналистиканинг бугунги ва келажаги бўйича фикр алмашишди.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |