Тошкент вилояти Бўка тумани “Бўстон” МФЙ Ёшлар истироҳат боғида Республика ишчи гуруҳининг оммавий қабули бўлиб ўтди. Унда Президент Халқ қабулхонаси масъуллари, Олий суд раиси, Бош прокурор, Ички ишлар вазири ва Тошкент вилояти ҳокими иштирок этиб, минг нафардан зиёд аҳолидан тушган мурожаатлар ўрганилди.
Муҳими, бу каби очиқ, жонли мулоқотлар орқали “Инсон қадри учун!” ғоясини амалда қарор топтиришга хизмат қиляпти. Бу эса Тошкент вилояти аҳолиси муаммолари билан ишлашни самарали ташкил этиш, ҳудудларда ечимини кутаётган масалаларни “маҳаллабай” ўрганган ҳолда жойида, тезкор ҳал этиш имконини бермоқда. Қабул давомида Тошкент вилояти ҳокими Зойир Мирзаев ижтимоий ҳимоя, соғлиқни сақлаш, тадбиркорлик, оила, хотин-қизлар, меҳнат ва бандлик каби 20 дан зиёд йўналишлардаги 50 нафардан ортиқ мурожаатчилар билан суҳбатлашиб, қонуний тартибда ҳал қилишга кўмаклашди. Айрим фуқароларга шу ернинг ўзида зарур тавсияларини берди.
– Кўп йиллардан буён Қозоғистонда ишлар эдим, – дейди ҳудудда яшовчи Қудратилла Раҳмонов. – Маҳалламда новвойчилик қилишни режалаштирганман. Тадбиркорлигимни бошлаш учун бошланғич маблағ керак бўляпти. Вилоят ҳокими билан суҳбатда тижорат банкидан 36 миллион сўмгача имтиёзли кредит олишга йўлланма олдим. Банк ходимлари тавсияси билан энди янги ишни йўлга қўймоқчиман. Қабуллар давомида ижтимоий ҳимояга муҳтож ўнлаб мурожаатчиларга саломатликларини тиклаши, даволаниши, бепул жарроҳлик амалиётини ўтказиши учун йўлланмалар ажратилди.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |