2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Сенат Раиси Қорақалпоғистон Республикасида аҳоли билан мулоқот қилди

Олий Мажлис Сенати Раиси Танзила Норбоева Қорақалпоғистон Республикасининг Нукус шаҳри, Чимбой, Кегейли ва Хўжайли туманларида маҳалла раислари, маҳаллий кенгаш депутатлари, тадбиркорлик субъектлари, фермерлар, ёшлар етакчилари, ҳоким ёрдамчилари, профилактика инспекторлари, хотин-қизлар фаоллари, нуронийлар, ижодкор ва кашфиётчи ўқувчи ёшлар ҳамда талабалар билан учрашиб, мулоқот қилди.

Учрашувларда мамлакатимизда олиб борилаётган кенг кўламли ислоҳотлар, ҳудудларни ижтимоий-иқтисодий ривожлантириш борасида қилинаётган ишлар, ушбу жараёнларда жамоатчилик назорати, маҳаллий Кенгаш депутатларининг фаол иштироки, халқ олдидаги ҳисобдорлик, қонунчиликка киритилаётган ўзгартиришлар, хусусан, янгиланаётган Конституция лойиҳасининг мазмун-моҳияти, уни ишлаб чиқишга сезилган эҳтиёж, унда аҳоли таклифларининг акс эттирилгани ҳақида сўз борди.  

Хусусан, Сенат Раиси туман ва шаҳар кенгашлари депутатлари, сенаторлар билан бўлиб ўтган мулоқотда Сенат ва маҳаллий Кенгашларнинг ҳамкорликда иш олиб бориши, янги таҳрирдаги Конституция лойиҳасига киритилаётган янги нормалар, жумладан, давлат фуқароларнинг бандлигини таъминлаш, уларни ишсизликдан ҳимоя қилиш, шунингдек, камбағалликни қисқартириш чораларини кўриши аниқ қилиб белгилаб қўйилаётгани, инсоннинг ҳуқуқ ва эркинликларини таъминлаш давлатнинг олий мақсади сифатида акс эттирилаётгани ва бошқа масалалар юзасидан фикр алмашилди.  

Шунингдек, Т.Норбоева Чимбой ва Кегейли туманларида “Бахтли”, “Қуёшли”, “Халқобод, “Гужим терек” маҳаллалари аҳолиси билан учрашди, “Актубатекстил” корхонаси фаолияти билан танишиб, меҳнат жамоаси билан очиқ мулоқот ўтказди.  

Бундан ташқари, Сенат Раиси Қорақалпоқ давлат университетига ташрифи чоғида талабалар турар-жойида яратилган шароитлар билан яқиндан танишиб, ёшлар билан самимий суҳбатлашди. Мулоқот чоғида университетда таҳсил олаётган меҳрибонлик уйи тарбияланувчиларини таклифлари ҳам эшитилиб, ўртага ташланган масалалар назоратга олинди.  

Т.Норбоева талабалар турар-жойида Президентимиз томонидан илгари сурилган 5 та муҳим ташаббус доирасида ташкил этилган махсус хоналар, тўгарак машғулотлари ҳолатини кўздан кечирди. У ерда хотин-қизлар бандлигини таъминлаш ва уларнинг бўш вақтини мазмунли ўтказиш бўйича ташкил этилган тикув хонасида фаолият юритувчи талаба-қизларнинг фаолияти билан танишди. Ётоқхонадаги талаба ёшлар билан суҳбат давомида эса волонтёрлар билан суҳбатлашиб, улар томонидан амалга оширилаётган ташаббусларни ижобий баҳолади.  

Бундан ташқари, янгиланаётган Конституцияга киритилган нормалар, хусусан, ёшларни ҳар томонлама қўллаб-қувватлаш масаласи давлатнинг олдига қўйилган муҳим вазифалардан бири сифатида Бош қомусимизга киритилгани алоҳида эътироф этилди. Ўз навбатида, ёшлар бундан жуда ҳам мамнун эканлигини билдириб, эл-юрт тараққиёти учун яхши билим олиш, касбларни пухта ўрганиш орқали ўз ҳиссасини қўшишларини айтиб ўтди.  

Ташриф доирасида Сенат Раиси технопарк, мономарказ, мактабдаги касб-ҳунарга ўқитиш маркази, бахшичилик мактаби, ҳунармандлар уйида ҳам бўлиб, ижодкор ва кашфиётчи ёшлар, ҳунарманд оилалар билан учрашди ҳамда ижтимоий ҳимояга муҳтож оилалар ҳолидан хабар олди.  

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти

Фойдали ресурслар