“Обод қишлоқ” дастури доирасида Навоий вилоятининг Нурота туманидаги “Чўя”, Учқудуқ туманидаги “Қулқудуқ”, Томди туманидаги “Ўтамурод” қишлоқлари янгидан қиёфа касб этиб фойдаланишга топширилди.
Давлатимиз раҳбарининг 2018 йил 29 мартдаги “Обод қишлоқ дастури тўғрисида”ги фармони асосида жорий йилда Навоий вилоятининг 16 та қишлоғида “Обод қишлоқ” дастури доирасида 272 миллиард сўмлик ишлар якдиллик билан олиб борилаяпти.
Бундан ташқари, “Обод маҳалла” дастури доираси ҳудуддаги 2 та шаҳарнинг 5 та маҳалласида 65 миллиард сўмлик қурилиш ва ободонлаштириш ишлари амалга оширилмоқда.
Мазкур ҳудудларда “Обод қишлоқ” дастури доирасида биринчи навбатда аҳоли учун зарур бўлган ичимлик суви, электр тармоқлари, ички йўллар, пиёдалар йўлаклари бунёд этилгани қишлоқ қиёфасини тубдан ўзгартириб юборди.
Шунингдек, маҳалла гузари, мактаб, мактабгача таълим муассасаси, қишлоқ врачлик пункти, ҳаммом, амфитеатр, футбол майдончаси, болалар майдончаси қишлоқ аҳлининг, айниқса келажагимиз эгаларининг узоқ йиллик орзуларини рўёбга чиқарди. Савдо ва маиший хизмат кўрсатиш шахобчалари, кичик тикувчилик цехи каби лойиҳалар аҳолининг бандлигини таъминлашда алоҳида ўринга эга бўлди. Фуқароларга тадбиркорлигини бошлаши учун микрокредит маблағлари ажратилгани эса аҳоли турмуш фаровонлиги сари қўйилган яна бир дадил қадамдир.
Нурота туманининг “Чуя” қишлоғини обод этиш тадбирида қарийб 17,2 миллиард сўмлик, вилоят марказидан қарийб 400 километр узоқда жойлашган Учқудуқ тумани “Қулқудуқ” қишлоғини обод этиш учун 4,8 миллиард сўм, Томди тумани “Ўтамурод” қишлоғини обод этиш учун 7,3 миллиард сўмлик маблағ йўналтирилди.
Вилоятда “Обод қишлоқ” ва “Обод маҳалла” дастури доирасида ишлар давом этмоқда.
Тадбирларда Ўзбекистон Республикаси Президенти давлат маслаҳатчиси Турсунхан Худойбергенов ҳамда Навоий вилояти ҳокими Қобул Турсунов иштирок этди.
Навоий вилояти ҳокимлиги Ахборот хизмати
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |