Жиззах вилояти Янгиобод тумани ҳокими Иброҳим Қаршибоев “Дўстлик” маҳалласида ҳамда “Чаканд” қишлоғида бўлиб аҳоли ва ёшлар билан учрашди.

Учрашувда тегишли корхона ва ташкилот раҳбарлари, маҳалла ва қишлоқ фаоллари, аҳоли, хусусан, хотин-қизлар ва ёшлар иштирок этди.  

Мулоқот давомида туман ҳокими мамлакатимизда амалга оширилаётган ислоҳотлар ва белгиланган вазифаларга тўхталиб,  жорий йилда ҳудудда аҳоли турмуш фаровонлигини ошириш борасида амалга ошириладиган ишлар, маҳалла инфратузилмасини яхшилаш ва аҳоли даромадини оширишга қаратилган вазифалар хусусида гапириб ўтди.  

Шунингдек, аҳоли ва тадбиркорликни қўллаб-қувватлашга доир янги имтиёзлар, умумтаълим мактабларида ўқувчиларга касб ўргатиш амалиётини жорий этиш, шунингдек, бандликни таъминлаш мақсадида ижара шартномаси асосида аҳолига ер ажратиш, муқобил энергия манбаларидан фойдаланиш ва унинг афзалликлари ҳамда шу каби янгиликлар юзасидан аҳоли ва ёшларга тушунчалар берилди.  

Учрашув давомида аҳоли ва ёшларнинг ишга жойлашиш, моддий кўмак ва бошқа масалалар бўйича мурожаатлари тингланиб, уларни ижобий ҳал этиш юзасидан раҳбарларга аниқ кўрсатмалар берилди.