Ҳозирда жойларда алимент билан боғлиқ ҳужжатлар ижросини таъминлаш учун бўш иш ўринлари меҳнат ярмаркалари ташкил этилмоқда.

Мажбурий ижро бюроси органлари томонидан олиб борилаётган бу каби тадбирлар ўз натижасини беряпти.  

Масалан, Поп туманининг Ғурумсарой қишлоғида бўлиб ўтган навбатдаги худди шундай  меҳнат ярмаркасида 32 нафар фуқаро иш билан таъминланди.

Туман прокуратураси, Мажбурий ижро бюроси туман бўлими ва тегишли ташкилотлар ҳамкорлигида ўтказилган ярмаркада 22 та корхона ва муассаса ўзларининг 315 та бўш иш ўринлари билан иштирок этди.  

Унда ҳар бир иш берувчи ташкилот ўз имконияти ва яратилган шароитлар, иш ҳақлари ҳақида тўлиқ маълумот берди. 

Натижада, таклиф этилган 67 нафар меҳнат мигрантлари ва алимент тўловчиларининг 32 нафари ишга йўлланма олди.