Наманган вилояти мудофаа ишлари бошқармаси ҳузуридаги Чақирилувчиларни ҳарбий техника мутахассисликлари бўйича тайёрлаш марказида “Уч авлод” учрашуви ўтказилди.

Устоз-шогирд анъаналарини уйғунлаштириш, кексаларнинг бой тажрибасини ёш авлодга улашиш мақсадида Наманган вилояти ҳокимлиги, Мудофаа ишлари бошқармаси, Миллий гвардия вилоят бошқармаси ҳамкорлигида ташкил этилган учрашувда мудофаа тизими фахрийлари, бугун бел боғлаб, жамият ривожига муносиб улуш қўшаётган ўрта ёш авлод вакиллари ҳамда шижоатли, иқтидорли ёш ҳарбийлар самимий суҳбат қурди.

Учрашувда тизим ривожига ҳисса қўшган кекса авлод вакиллар ўз тажрибалари билан ўртоқлашди, самимият ва маслаҳатлар устуворлик қилди, керакли хулосалар чиқарилди, бой тажрибалар орттирилди. 
Тадбир иштирокчилари Наманган шаҳридаги “Мотамсаро она” ҳайкали пойига гулчамбарлар қўйди. Марказ ҳовлисига уч авлод биргаликда эзгулик дарахтини экди. 

Бугунги учрашув – авлодлар орасидаги олтин занжир, Ватан равнақи ва халқ манфаати йўлидаги бирлик, эзгу мақсадлар сари ҳамкорлик ва жипсликдаги ҳаракат, муборак дийдор сифатида қалбларга муҳрланди.