2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Сайёр қабул: 3 ёшли қизча жарроҳлик амалиётига киради, хорижда қолиб кетган фуқаро юртга қайтарилади...

Ўзбекистон Республикаси Олий суди раиси ўринбосари Р.Махмудова раҳбарлигида Қорақалпоғистон Республикаси Қўнғирот туманида “Аёллар дафтари”га киритилган хотин-қизлар учун сайёр қабул ташкил этилди.

Унда Қорақалпоғистон Республикасидаги судлар раислари билан бирга Қўнғирот тумани тўртта сектор раҳбарлари ҳам иштирок этиб, аҳоли муаммоларига биргаликда ечим излади. Асосан, суд-ҳуқуқ масалалари бўйича мурожаатлар қабул қилинган тадбирда хотин-қизларни қўллаб-қувватлаш, уларни ижтимоий ҳимоя қилиш, энг муҳими, оиланинг бахти ва чироғи ҳисобланган аёлларни бугунги кунидан рози қилиш, уларнинг дарду-ташвишларини енгиллаштириш, бандлигини таъминлаш бўйича амалга оширилаётган ислоҳотларнинг мазмун-моҳияти тушунтирилди. Қабул жараёнида 40 нафарга яқин аёлнинг мурожаати тингланди.

Жумладан, Қўнғирот тумани “Моншақли” маҳалла фуқаролар йиғинида яшовчи Оралхан Исмаилова ўзи яшаб турган хонадонига туман давлат солиқ инспекцияси томонидан ер-мулк солиғининг ортиқча ҳисобланганлигини таъкидлаб, бу масалада амалий ёрдам беришни сўраб мурожаат қилди. Унга суд масъуллари мазкур масала юзасидан туман давлат солиқ инспекцияси томонидан ер-мулк солиғи қайта ҳисоб-китоб қилиниб, 2021 йил учун ортиқча тўланган солиқлар солиқ тўловчига қайтарилишини тушунтирди.

Тумандаги “Меҳнатобод” овул фуқаролар йиғинида истиқомат қилаётган Арай Ўринбоева 3,5 яшар қизи Айгерим Хожанованинг юрагида нуқсони бўлгани учун уни жарроҳлик амалиётига олиб боришга моддий томондан имконияти йўқлигини айтиб мурожаат қилди. Шу ернинг ўзида Қўнғирот тумани ҳокимлиги ва туман тиббиёт бирлашмаси масъуллари билан маслаҳат қилиниб, қизалоқнинг юрагини бепул операция қилиш учун рўйхатга киритилиб, шу йилнинг март ойида жарроҳлик амалиёти ўтказиладиган бўлди.

Яна бир мурожаатчи Эльвира Алписбаева турмуш ўртоғи 4 йилдан бён Қозоғистон Республикасида ишлаётганини, уйига қайтаришга амалий ёрдам беришини сўради. Унга туман ички ишлар бўлими масъуллари билан биргаликда ҳуқиқий тушунтириш берилиб, турмуш ўртоғининг оиласи бағрига қайтишига амалий ёрдам бериладиган бўлди.

Сайёр қабулда суд жараёни билан боғлиқ мурожаатлар ҳам бўлди. Вақт ва муддат талаб қиладиган бундай мурожаатлар бўйича мурожаатчиларга ҳуқуқий маслаҳат ва тушунтириш берилди.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти

Фойдали ресурслар