2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Наманган вилояти ИИБ бошлиғи Косонсойда сайёр қабул ўтказди

Наманган вилояти Ички ишлар бошқармаси бошлиғи, полковник Шавкат Раҳмонов учинчи сектор раҳбари сифатида илк сайёр қабулини Косонсой туманида ўтказди.

Вилоятнинг адир ҳудудларига туташ, қўшни Қирғизистон билан чегарадош туманда истиқомат қилувчи фуқароларнинг яшаш шароити, ижтимоий аҳволини ўрганиш, мавжуд муаммоларни бартараф этишга қаратилган мазкур қабул давомида муаммолар ўз жойида бартараф этилишига эришилди.

Маълум муддат ва ижро тақозо қиладиган мурожаатлар алоҳида назоратга олиниб, ижобий ҳал қилиш учун масъуллар бириктирилди.

Сектор раҳбари тумандаги бунёдкорлик ва ободонлаштириш ишларига эътибор қаратар экан, коммунал хизмат кўрсатиш фаолияти такомиллаштирилаётгани, кўчаларни асфальтлаш, хонадонларга ичимлик суви етказиш, электр энергияси, суюлтирилган газ баллонлари билан таъминланиш борасидаги муаммолар мутахассислар билан бирга ҳал этилаётганини айтди.

Қабулга келган фуқаролар томонидан имтиёзли кредит олиш, иш билан таъминланиш ва бошқа маиший муаммолар кўтарилди.

Сайёр қабул якунида икки нафар фуқаролиги йўқ кишига Ўзбекистон Республикасининг фуқароси гувоҳномалари топширилди. 16 ёшни қарши олган олти нафар йигит-қизга ID карталар тақдим этилди.

Инсонлар дард-ташвишларини тинглаш, халқимизга моддий, маънавий, ҳуқуқий кўмак бериш мақсадида ташкил этилаётган бу каби сайёр қабуллар вилоятнинг барча ҳудудларида мунтазам ўтказиш режалаштирилган.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Иш ҳақи ва унга тенглаштирилган тўловларни ундиришИшонч телефони5 Июнь 202117 Июнь 2021Андижон вилояти

Фойдали ресурслар