Навоий вилояти ҳокими вазифасини бажарувчи Нормат Турсунов Навбаҳор туманида амалга оширилаётган ишлар билан танишди.

Вилоят ҳокими дастлаб тумандаги "Дул дул” маҳалласида истиқомат қилаётган фуқаролар билан учрашиб, уларни қийнаётган муаммолар билан қизиқди. Аҳоли томонидан билдирилган муаммо ва эътирозларни, жумладан, мавжуд ички йўлларни шағаллаштириш, суюлтирилган газ билан таъминлаш масалалари бўйича қилинган мурожаатларни қисқа муддатларда бартараф этиш юзасидан тегишли масъулларга топшириқлар берилди.

Шундан сўнг, ҳудуддаги 17-, 24-умумий ўрта таълим мактабларида бўлиб таълим муассасасидаги яратилган шароитлар билан ҳам яқиндан танишди. Шунингдек ташриф давомида туманнинг 2-сектор ҳудудида жойлашган "Дул дул", "Навоий" оилавий шифокорлик пунктлари, "Сарбозор" маҳалласида қурилиши режалаштирилаётган оилавий шифокорлик пункти ва маҳалла биноларини ҳам кўздан кечирди.