Қизилтепа туман ҳокими вазифасига тайинланган Улуғбек Файзиев биринчи иш кунида вилоят прокурори Бахтиёр Аҳмедов билан биргаликда туман марказидаги "Нафосат" маданият уйида “Сайёр қабул” ўтказди.

Қабул давомида олий таълим муассасаларида тўлов шартномаси асосида таҳсил олаётган, "Ёшлар дафтари"га киритилган 10 нафар ёшга "Ёшлар жамғармаси" томонидан шартнома тўловининг 50 фоизи миқдорида тўлаб берилганлиги ҳақида сертификатлар, субсидия асосида ишсиз, касб-ҳунарга ўқитилган, ўзини ўзи банд қилиш истагида бўлган 10 нафар хотин-қизга тикув машиналари, 8 нафар йигитга пайвандлаш усукунаси топширилди.

Қабул давомидаги ҳар бир мурожаат назоратга олиниб, ижобий ечимини таъминлаш бўйича сектор раҳбарларига, масъулларга топшириқ ва кўрсатмалар берилди.