Бухоро вилояти Қоракўл тумани ички ишлар бўлими ташаббуси билан “Уч авлод учрашуви” тадбири ўтказилди. Унда соҳанинг бир гуруҳ тажрибали фахрийлари таклиф этилди.
Туман ички ишлар бўлими бошлиғи, подполковник Жамшид Расулов ички ишлар органлари тизимида меҳнат қилаётган ёш ходимларни соҳага йўналтириш, касбий кўникмаларини мустаҳкамлаш, ватанга садоқат руҳида, ўз бурчига фидойилик билан ёндоша оладиган чинакам ватан ўғлонлари сифатида тарбиялашда мазкур тадбир муҳим аҳамият касб этишини таъкидлади. Президент раҳнамолигида ўтган давр мобайнида ички ишлар органлари тизимида кенг кўламли ислоҳотлар амалга оширилгани қайд этилди.
Фахрийлар ҳозирги кунда ўзлари бир вақтлар меҳнат қилиб кетган масканда яратилган шароитлар билан танишди. Тизимда “устоз-шогирд” анъаналарини давом эттириш, соҳа фидойиларининг бой амалий тажрибасидан ёшларни кўпроқ баҳраманд этиш муҳим тарбиявий восита саналади. Меҳрга йўғрилган суҳбатлар "Ўзбегим" тантаналар мажмуасида ташкил этилган бир пиёла чой устида давом этди.
Ёши улуғ фахрийлар ўзларининг бой ҳаётий тажрибалари, мустақиллик берган имкониятлар хусусида гапириб берди. Янги Ўзбекистоннинг тараққиёт сари дадил одимлари самимий суҳбатлар, мулоқотларнинг асосий мавзуси бўлди.
Тадбирда Қоракўл туман ҳокими Шерали Саломов бошчилигидаги сектор раҳбарлари ҳам қатнашди. Учрашувда ўз бурчини ситқидилдан адо этаётган фидойи ходимларга фахрий ёрлиқ, 7 нафар ходимга эса навбатдаги махсус унвонлар топширилди. Айрим ходимлар ташаккурнома ва қимматбаҳо совғалар билан тақдирланди.
Санъат усталари ижросидаги маданий дастур иштирокчиларга хуш кайфият бағишлади.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |