Ўзбекистон Республикаси Президентининг Бухоро вилояти Қоровулбозор туманидаги Халқ қабулхонасига жорий йилнинг 9 ойи давомида 518 нафар жисмоний ва юридик шахсларнинг мурожаатлари қабул қилинган.

Бу эса  ўтган йилдагига нисбатан ошган. Мурожаатлар соҳалар бўйича тахлил қилинганда меҳнат ва аҳоли бандлиги борасида 78 та, моддий ёрдам масаласида 32 та, тадбиркорлик фаолияти бўйича 38 та ва бошқа масалаларда 370 та мурожаатлар келиб тушган.  

 Қоровулбозор тумани Халқ қабулхонаси ва сектор раҳбарлари томонидан ҳисобот даврида 157 та сайёр қабул ўтказилган. Уларда 314 та масалада турли соҳаларга оид мурожаатлар қабул қилинган.

–Мазкур масалалар Ўзбекистон Республикаси Президентининг Қоровулбозор туманидаги Халқ қабулхонаси томонидан  кенг жамоатчилик иштирокида муҳокама қилиб борилмоқда, – дейди Халқ қабулхонага мудири Нусрат Истамов. 

–Камчиликка йўл қўйган мутасадди раҳбарларга нисбатан қонунчилик доирасида жазо чоралари кўрилмоқда. Ачинарлиси, мурожаатларнинг таҳлили ўтган йилга нисбатан ошганлигини кўрсатмоқда.