2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Оролбӯйи қишлоқларининг янгича қиёфаси

Ҳудудларнинг йўл-транспорт инфратузилмаси, муҳандислик коммуникация тармоқлари ҳамда ижтимоий соҳа объектларини ривожлантириш, шу асосда аҳоли фаровонлиги ва турмуш даражасини янада юксалтириш мақсадида Қорақалпоғистон Республикасида ҳам “Обод қишлоқ” Давлат дастури асосида кенг кўламли ишлар амалга оширилмоқда.

Қорақалпоғистон Республикаси прокурори Ф.Алламбергенов Амударё туманидаги “Обод қишлоқ” дастурига киритилган “Хитой” ва “Жумуртов” овул фуқаролар йиғинлари ҳудудларида амалга оширилаётган кенг кўламли ободонлаштириш, қурилиш ва таъмирлаш ишлари билан яқиндан танишди. Мутасаддилар ва аҳоли билан учрашиб, иш самарадорлигини ошириш бўйича ўз тавсияларини берди.  

Тумандаги “Хитой” овулида жами 13 миллиард 942 миллион сўмлик ишлар бажарилиши белгиланган. Айни кунларда “Обод қишлоқ” дастури доирасида маҳалладаги 3,93 километр ички йўлга қум шағал ётқизилди, 2,3 километр электр энергияси тармоғи тортилиб, 1 трансформатор ўрнатилди. Шунингдек 3,1 километр ирригация тармоқларини яхшилаш, 1,1 километр пиёдалар йўлагини қуриш, 28 та тунги кўча ёритиш чироғи ўрнатиш режаси тўлиғи билан бажарилди. Шинам ва кўркам замонавий қиёфада қад ростлаган маҳалланинг маъмурий биноси аҳолига сифатли хизмат қилиш учун тайёр.

Дастур доирасида маҳалладаги 60 та якка тартибдаги уй-жойни таъмирлаш режалаштирилган бўлса, амалда 85 таси таъмирланди. Бундан ташқари, қишлоқдаги 45-сонли мактабгача таълим ташкилоти 1990 йилда қад ростлаган бўлса, боғча маъмурияти ўзларининг ички имкониятлардан келиб амаллаб бинони таъмирлаб келганлар. Шу кунга қадар капитал таъмир ишлари юритилмаган болалар боғчасида энди ҳақиқатда қурилиш таъмир ишлари юритилмаса, яроқсиз аҳволга келиши табиий эди. “Обод қишлоқ” дастурига киритилган бу масканда ҳам қурилиш ишлари бошланди. Илгари 90 болани ўз бағрига олган бу боғча қурилиш ишлари сифатли якунлангач 120 болани қабул қилиш имкониятига эга бўлади.  

Бугунги кунда Элликқалъа туманидаги “Қизилқум” ва “Сарибий” овул фуқаролар йиғинлари “Обод қишлоқ” давлат дастури ҳаракатида. Дастур доирасида асосий эътибор 15,4 километр ички йўлга тош тўкиб, текисланиб, қум-шағал аралашмаси ётқизилиб, ички йўлларда қурилиш ва таъмирлаш ишлари бажарилмоқда. Шунингдек, ичимлик суви таъминотини яхшилаш ва оқова сув тизими объектларини қуриш ва таъмирлаш учун қиймати 2426 миллион сўмлик 1 та ичимлик сув иншооти қурилиши белгиланган. Паст кучланишли электр тармоқларини янгилаш ва модернизация қилишга 624,6 миллион сўмлик 3 километр электр тармоғини қуриш, реконструкция ва модернизация қилиш электр тармоғини тортиш, 2 та трансформатор пунктини янгидан ўрнатиш ва алмаштириш режалаштирилган.

Қорақалпоғистон Республикаси прокурори ушбу ҳудудларда дастур ижроси бӯйича одамлар билан мулоқот қилиб, уларнинг мурожаатларини тинглади. Шу куни аҳоли мурожаатлари асосида давлат дастурига киритилмаган Сарабий овул фуқаролар йиғинидаги Вайсхўжа ахоли пунктидаги 1 километр йўл ҳашар йўли билан текисланиб, қум шағал аралашмаси тўшаб берилди. Одамларнинг неча йиллик йўл билан боғлиқ муаммоси жойида ҳал этилди. Дастур доирасида амалга оширилаётган ишларга ҳудуд аҳолиси ҳам хайрхоҳлик билдириб, қурувчиларга яқиндан ёрдам беришаяпти. Улар ўз хонадони, ўз юрти ободлигидан манфаатдор.

Бундан ташқари, ҳудудларни ободонлаштириш ишлари билан бирга кўкаламзорлаштиришга ҳам алоҳида эътибор қаратилмоқда. Дастур доирасида ажратилган маблағларнинг мақсадсиз сарфланиши, талон-торож қилиниши, қурилиш, таъмирлаш ва ободонлаштириш ишларининг сифатсиз бажарилиши каби салбий ҳолатларнинг олдини олиш мақсадида овул ҳудудида прокуратура ишчи гуруҳининг штаби туну кун назоратни ўрнатган.

Ўрганишлар жараёнида айни йўналишда дастурларга киритилган ҳар бир лойиҳани тўғри танланишидан тортиб, объект фойдаланишга топширилгунга қадар барча босқичларда қатъий назорат ўрнатилган. Қисқача айтганда, “Обод қишлоқ” дастури қишлоқларни шаҳарлардан қолишмайдиган манзилга айлантиришга хизмат қилмоқда.

 

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти

Фойдали ресурслар