Андижоннинг барча туман ва шаҳарларида Қурбон ҳайити байрами олдидан ижтимоий ҳимояга муҳтож оилалар холидан хабар олинмоқда.

Президентимизнинг жорий йил 13 июлдаги “Қурбон хайитини нишонлаш тўғрисида”ги қарорида белгиланган вазифалардан келиб чиқиб, қолаверса, Муборак Қурбон ҳайитининг халқимизга хос инсонпарварлик, меҳр-оқибат, саховат ва ўзаро ҳамжиҳатлик каби фазилатларни, миллий-диний қадриятларимизни улуғлаш мақсадида Марҳамат туман ҳокимлиги ташаббуси билан тумандаги ижтимоий ҳимояга муҳтож оилалар ҳолидан хабар олиниб, уларга байрам совғалари улашилди.  

Қурбон ҳайити олдидан туман «Саховат ва кўмак» жамғармаси томонидан маҳаллалардаги «Темир дафтар»га киритилган 150 нафар, «Маҳалла» ҳайрия жамоат фонди томонидан эса 25 нафар, жами 175 нафар фуқарога озиқ-овқат маҳсулотлари тарқатилди.

–Яхши инсонларга раҳмат эътибордан кўнглим тоғдай кўтарилди, – дейди Марҳамат туманидаги Шаҳристон маҳалласида яшовчи Замирахон Ашурова. – Илоҳим, юртимиз тинч, юртимизда мана шундай ҳайрли ишлар бардавом бўлсин.  

Фуқароларга берилаётган хайрия пакетларида гўшт, пахта ёғи, макарон, гуруч сингари бир неча турдаги озиқ-овқат маҳсулотлари мавжуд.  

Андижонда бу каби хайрия ва саховат ишлари давом этмоқда.