2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Вилоят ҳокимининг сайёр қабулида аксарият масалалар жойида ҳал этилди

Андижон вилояти ҳокими Шуҳратбек Абдураҳмонов Бўстон туманида вилоят прокуратураси, ички ишлар, давлат солик бошқармалари, шунингдек, қатор ташкилот ва корхоналар раҳбарлари иштирокида сайёр қабул ўтказди.

Айни кунда Бўстон туманида 80 минг нафарга яқин аҳоли истиқомат қилади. Туманда аҳоли фаровонлигини ошириш, турмуш шароитларини яхшилашга қаратилган қатор ишлар олиб борилмоқда. Вилоят ҳокими сайёр қабулда ана шу йўналишдаги ишлар кўламини кенгайтириш, фуқароларни қийнаётган муаммоларни ҳал этиш, энг муҳими, одамларни ўз ҳаётидан рози бўлиб яшашларини таъминлаш борасидаги ишларни янада юқори босқичга кўтариш зарурлигини алоҳида қайд этди.

Сайёр қабулда фуқароларнинг ишга жойлашиш, йўлларни таъмирлаш, тоза ичимлик суви, электр энергияси таъминоти, электр линияси учун янги темир-бетон устунлар ўрнатиш, эскирган трансформаторларни алмаштириш, имтиёзли кредит олиш, суюлтирилган газ баллонлари ажратилиши, даволаниш, ногиронлик аравачаси олиш, шунингдек, уй-жой, моддий ёрдам, тадбиркорликни қўллаб-қувватлаш каби масалаларга оид 300 дан зиёд мурожаатлари қабул қилинди.

Мурожаатларнинг 200 дан ортиғи шу жойнинг ўзида ҳал этилди, ижроси маълум муддат талаб этадиган 74 масала юзасидан мутасадди ташкилотлар раҳбарларига қонуний ҳал этиш бўйича топшириқлар берилди.

- Ногиронман, анчадан буён ўзимга мос иш тополмай юргандим, - дейди Бўстон тумани Бўстон маҳалласида яшовчи Гулбаҳор Ҳасанова. – Вилоят ҳокимига шу масалада ёрдам беришини сўраб мурожаат қилдим. Ҳоким туманимиз марказидаги “Сабо текс” кластер корхонагига тикувчи бўлиб ишга жойлашишни тавсия қилиб, ишга жойлаштириш бўйича масъулларга топшириқ берди. Насиб этса, энди ана шу корхонага ишга жойлашаман.

Тумандаги Янгиобод маҳалласида яшовчи Шоирахон Абдуллаева қаромоғида уч нафар, касалванд, ногирон фарзанди бор. Катта қизи жигар церрози билан оғрийди, ўғли автохалокат натижасида оёғидан жароҳат олиб, бир жойда бўлиб қолган, кичик қизи ҳам касалванд.

- Онаман, фарзандларим дарди, ташвиши билан кўнглимга ҳеч нарса сиғмайди. Қабулга фарзандимни операциясига ёрдам кўрсатилишини сўраб мурожаат қилдим. Вилоят ҳокимига дардларимни айтдим. Қабулда соғлиқни сақлаш бошқармаси бошлиғи менга албатта, ёрдам беришга ваъда берди.

Шунингдек, қабул давомида 60 та мурожаат юзасидан мурожаатчиларга тушунтиришлар берилди.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти

Фойдали ресурслар