Қашқадарё вилояти суди раиси ўринбосари Ў.Мамадалиев ва вилоят суди судьяси Ф.Юсупов Китоб туманида сайёр қабул ўтказди.

Қабулда ҳудуд фуқароларининг суд-ҳуқуқ соҳаси билан боғлиқ муаммолари тингланди. Аксарият мурожаатлар жойида ҳал этилди. Шунингдек, қабул давомида жиноят ишлари бўйича Китоб туман суди томонидан 2 нафар шахс жазони ўташ муддатидан олдин озод қилинди. 3 нафар шахснинг жаримасини камайтириш бўйича сўраб қилган мурожаатлари ижобий ҳал этилди. 2 нафар шахс ярашганлиги муносабати билан жарима жазосидан озод этилиб огоҳлантирилди.

Жумладан, жиноят ишлари бўйича Китоб туман судининг 2020 йил 6 августдаги ҳукмига кўра, Ўзбекистон Республикаси ЖК 266-моддаси 2-қисми билан айбли деб топилган Таниқулов Нусратилло Мусурмон ўғлига тайинланган 2 йил 6 ой аҳлоқ тузатиш ишлари жазосини 1/3 қисмидан кўпроғини жамоат тартибини бузмасдан, меҳнатга ҳалол муносабатда бўлиб ўтаганлиги учун Ўзбекистон Республикаси ЖК 73-моддасига асосан жазони ўташ муддатидан олдин шартли равишда озод қилинди.  

Тадбир давомида вилоят суди раиси ўринбосари Ў.Мамадалиевнинг “Коррупцияга барҳам беришнинг мустаҳкам ҳуқуқий асоси” мавзуидаги маърузаси тингланди.