Ўзбекистон Республикаси Президентининг Виртуал қабулхонаси ахборот тизими фаолиятининг узлуксизлигини таъминлаш мақсадида режали техник профилактика ишлари олиб борилиши муносабати билан эртага 2021 йил 29 июн (Сешанба) куни соат 19:00 дан шу йилнинг 30 июн (Чоршанба) куни соат 02:00 га қадар Виртуал қабулхона тизимидан фойдаланиш имконияти чекланиши мумкинлигини маълум қиламиз. Вақтинчалик ноқулайликлар учун узр сўраймиз.
2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Кичик шаҳарчада мингга яқин оила уй-жой билан таъминланмоқда

Фарғона вилояти Учкўприк тумани “Боғибўстон” маҳалла фуқаролар йиғинидаги Муллазоир мавзесида намунавий хонадонлар ва замонавий кўп қаватли уйлардан иборат кичик шаҳарча қад ростламоқда. Бу ерда сўнгги 5 йил давомида бунёд этилган ва айни вақтда қурилиши давом этаётган янги уйларда мингга яқин оилани турар-жой билан таъминлаш кўзда тутилган.

Шинам ва барча қулайликларга эга бўлган хонадонлар  уй-жой шароитини яхшилашга муҳтож оилалар, меҳнат мигрантлари, ногиронлиги бўлган кишилар, ёш оилалар ва оғир ижтимоий вазиятга тушиб қолган аёлларга бериляпти.

Айни вақтда мазкур мавзеда 272 хонадонли 11 та кўп қаватли уйлар қурилиши давом этаётган бўлиб, 76 миллиард сўм маблағ сарфланиши кўзда тутилган.

Янги уй-жойлар мамлакатимиз мустақиллигининг 30 йиллигига муносиб туҳфа сифатида фойдаланишга топширилиши  режалаштирилган.

Туманда кўп қаватли уйлар қурилиши йилдан-йилга жадаллик билан ўсиб бормоқда. Сўнгги уч йил давомида “Боғибўстон” маҳалла фуқаролар йиғинидаги Муллазоир мавзесида 26 та кўп қаватли ва 152 та намунали арзон уй-жойлар қуриб битказилди.  

2019 йилда 48 хонадонли 2 та кўп қаватли уйлар ўз эгаларига топширилган бўлса, 2020 йилда 520 хонадонга мўлжалланган 15 та замонавий кўп қаватли уйлар қад ростлади.

Аҳоли яшаш шароитларини яхшилаш мақсадида замонавий турар-жой бинолари болалар ва спорт майдончалари, электр ва иссиқлик манбаи, тоза ичимлик суви ва канализация тармоқлари билан таъминланмоқда.

Ҳудудда давлат хусусий шериклик асосида замонавий болалар боғчаси ва бошланғич таълим мактаби фойдаланишга топширилган. Аҳоли, айниқса, ёшлар бандлигини таъминлаш мақсадида эса “Ёшлар” кичик саноат зонаси барпо этилмоқда.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Иш ҳақи ва унга тенглаштирилган тўловларни ундиришИшонч телефони5 Июнь 202117 Июнь 2021Андижон вилояти

Фойдали ресурслар