Сирдарё вилояти Янгиер шаҳар ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари лавозимга тайинланган – Эгамбердиев Жасур Маҳмуджонович илк иш кунини ижтимоий ҳимояга муҳтож оилалар ва беморлар ҳолидан хабар олишдек хайрли иш билан бошлади.

Жасур Эгамбердиев тайинловга қадар Гулистон шаҳар ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича бош мутахассиси лавозимида фаолият юритган.  

У 1986 йил Сирдарё вилоятининг Сайхунобод туманида туғилган, Гулистон давлат университетини тамомлаган.  

Янги ўринбосар уйида ётиб қолган беморлар уйларида бўлиб, билан дилдан суҳбатлашди, уларга кундалик турмушда зарур бўлган озиқ-овқат маҳсулотлари улашди.

Янгиер шаҳар ҳокимлиги ахборот хизматининг хабар беришича, 2017 йилдан буён шаҳар ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари лавозимларида ишлаб келган Абдуқодиров Абдушохид Исроилович янги лавозимга – Янгиер шаҳар ҳокимининг жамоатчилик билан ишлаш бўйича маслаҳатчиси лавозимига тайинланган.