2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Аҳолининг муаммоларига ечим топилди

Бухоро туманидаги Хонобод МФЙ 25-сонли умумтаълим мактаби биносида «Аёллар дафтари», «Ёшлар дафтари» ва «Темир дафтар»ларига киритилган фуқаролар билан вилоятдаги ҳуқуқ тартибот идоралари раҳбарларининг сайёр қабули бўлиб ўтди.

Қабулда 15 нафар фуқаронинг мурожаатлари кўриб чиқилди. Шундан «Ёшлар дафтари»га киритилган фуқаро Ш.Зиёдуллаевга мототрактор ва унинг барча анжомлари кредит асосида олиб берилди.

– Раҳбарларга қилган мурожаатим зое кетмади, – дейди Ш.Зиёдуллаев. – Баҳор ойида томорқада иш қизғин бўлади. Бунга асосан мототрактордан фойдаланамиз. Кредитга олган мототрактор билан ўзимни ва қишлоқдошларимни томорқасида ишлаб оиламга даромад олиб келаман.

Қабулда Хонобод МФЙ, Хонобод қишлоғида яшовчи 1-гуруҳ ногирони фуқаро Р.Хайруллаевга туман прокурори ташаббуси билан ногиронлик аравачаси берилди.

Ҳудуддаги «Аёллар дафтарида» рўйхатда турувчи 11 нафар аёлга кредит асосида ҳамда бир нафарига ҳомийлар томонидан тикув машинаси берилди.

«Ёшлар дафтари» бўйича ёшларга кредит бериш масаласида тавсиялар берилди. Уларга кредит ҳужжатларини расмийлаштириши учун АТ «Халқ банки»нинг Гала-осиё филиалига йўлланма тақдим қилинди.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Қимматли қоғозлар бўйича дивидендларИшонч телефони7 Сентябрь 201916 Сентябрь 2019Қашқадарё вилояти
Уй-жой билан таъминлашХалқ қабулхонаси10 Август 201917 Сентябрь 2019Тошкент вилояти

Фойдали ресурслар