Ўзбекистон Республикаси Президентининг Виртуал қабулхонаси ахборот тизими фаолиятининг узлуксизлигини таъминлаш мақсадида режали техник профилактика ишлари олиб борилиши муносабати билан эртага 2021 йил 29 июн (Сешанба) куни соат 19:00 дан шу йилнинг 30 июн (Чоршанба) куни соат 02:00 га қадар Виртуал қабулхона тизимидан фойдаланиш имконияти чекланиши мумкинлигини маълум қиламиз. Вақтинчалик ноқулайликлар учун узр сўраймиз.
2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Хоразмлик ёшларга ҳам ер ажратилмоқда

Ўзбекистон фермер, деҳқон хўжаликлари ва томорқа ер эгалари кенгаши раиси А.Хаитов Хоразм вилояти Гурлан туманида ташкил этилаётган «Мохсут Манзура» томорқа хизмати кластери фаолияти билан танишди.

Наврўз байрами арафасида фаолияти йўлга қўйилиши кутилаётган мазкур томорқа хизмати кластерига жамғарма маблағлари ҳисобидан 500 миллион сўм кредит йўналтирилган. Шунингдек, иссиқхона қуриш учун 1 гектар ер ажратиб берилди.

Президентимизнинг 2020 йил 30 июндаги «Аҳоли томорқаларидан фойдаланиш самарадорлигини оширишнинг қўшимча чора-тадбирлари тўғрисида»ги қарори бу борадаги ишлар ривожида муҳим дастуриламал бўлаётир.

Ҳозир жамиятда белгиланган 12 та йўналишдан 7 таси тўлиқ якунланиб, иш фаолиятини бошлади. Ихчам иссиқхоналар қуриш цехи, техника парки, кўчатчилик иссиқхонаси, уруғ, кўчат, ўғит, кимёвий воситалар сотиш дўкони шулар сирасидан. Қолган йўналишларда ҳам қуриладиган объектларнинг тўлиқ смета лойиҳалари ишланиб, кенг миқёсда қурилиш ишлари олиб борилмоқда.

Ўзбекистон фермер, деҳқон хўжаликлари ва томорқа ер эгалари кенгаши раиси А.Хаитов Хоразм вилоятига сафари чоғида Боғот ва Янгибозор туманида ҳам бўлиб, ёшлар, фермерлар ва томорқа эгалари билан учрашди. Янгибозор туманида 35 нафар ёш йигит-қизга фермер хўжаликлари 17 гектар ер ажратиб берди. Бу эса ишсиз ёшларни иш ўринлари билан таъминлашга хизмат қилиши билан аҳамиятли.

Бу ерларга ишлов бериш, ундан самарали фойдаланишни таъминлаш учун тажрибали фермерлар ёшларга маслаҳат бериб боради. Мазкур майдонларга сабзавот, полиз, дуккакли экинлар етиштириш ва боғ яратиш мўлжалланмоқда.

 

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Иш ҳақи ва унга тенглаштирилган тўловларни ундиришИшонч телефони5 Июнь 202117 Июнь 2021Андижон вилояти

Фойдали ресурслар