2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
«Аёллар дафтари» хотин-қизлар муаммоларини нечоғлик ҳал қилмоқда?

Мамлакатимизда 17 миллиондан ошиқ хотин-қизлар истиқомат қилади. Улар деярли барча соҳаларида фаол иштирок этиб, жамият ва давлат ривожига муносиб ҳисса қўшиб келмоқда. Улардан 433 минг нафари «Аёллар дафтари»га киритилган.

Бу ҳақда Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигида Маҳалла ва оилани қўллаб-қувватлаш вазирлиги матбуот котиби Саодат Боймирзаева иштирокида бўлиб ўтган брифингда маълум қилинди.

«Аёллар дафтари»га хотин-қизларни киритиш орқали аёллар муаммолари, уларни ўйлантираётган масалалар тизимли ҳал этилмоқда. Жумладан, 6 миллион 385 мингдан зиёд хотин-қизлар билан юзма-юз мулоқот ўтказилиб, ушбу дафтарга 9 та мезон асосида 433 минг нафари киритилди.

Айни вақтга қадар мазкур рўйхатдаги 80 мингдан ортиқ аёлларнинг аниқланган муаммолари ўрнатилган тартибда ҳал этилган.

Маҳалла ва оилани қўллаб-қувватлаш вазирлиги томонидан айни пайтда манфаатдор вазирлик ва ташкилотлар билан ҳамкорликда дафтарга киритилган хотин-қизлар орасидаги тадбиркорлик билан шуғулланиш истагида бўлган 15 минг 665 нафар аёлнинг тадбиркорлик кўникмаси ҳамда молиявий саводхонлигини ошириш мақсадида «Мотивация, кўникма ва молиявий кўмак» тамойили асосида иш олиб борилмоқда. Хусусан, Халқ банки билан ҳамкорликда аёллар тадбиркорлигига мос бўлган 60 та намунавий «бизнес режа»ларни оммалаштириш ишлари йўлга қўйилмоқда.

Жорий йил 1 мартдан бошлаб фуқароларнинг ўзини ўзи бошқариш органлари фаолиятида фаол иштирок этиб келаётган фуқароларга коммунал хизматлар учун мажбурий тўловлар бўйича базавий ҳисоблаш миқдорининг 50 фоизи миқдорида ҳар ойда компенсация пул тўловларини тўлаб бориш тартиби жорий этилади.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Иш ҳақи ва унга тенглаштирилган тўловларни ундиришИшонч телефони5 Июнь 202117 Июнь 2021Андижон вилояти

Фойдали ресурслар