2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Фарғонада суд раислари онлайн қабул ўтказди

Фарғона вилоят суди, вилоят маъмурий суди раислари ва раис ўринбосарлари иштирокида Халқ қабулхоналари билан ҳамкорликда фуқаролар билан онлайн қабул ўтказилди.

Унда суд-ҳуқуқ соҳасига оид масалалар юзасидан ҳуқуқий ёрдамга муҳтож бўлган фуқаролар иштирок этди.  

Мурожаатларнинг аксариятини ундирилаётган алимент миқдоридан норозилик, кўрилаётган маъмурий ишни назоратга олиш, юқори турувчи судларга мурожаат қилиш ҳуқуқини тушунтириш ташкил этди. Қабул давомида бир нафар фуқаронинг мурожаати жойида ҳал этилди, 18 нафар фуқароларга бузилган ҳуқуқларини тиклаш учун тегишли ҳужжатларни илова қилган ҳолда судга мурожаат қилиш ҳуқуқи тушунтирилди.  

– Суд идорасига ёки судьяга арз билан келган фуқаролар ҳеч қачон норози бўлиб кетмасликлари керак, – дейди вилоят суди раиси Шуҳратжон Камолов. – Уларни қийнаётган масалани диққат ва эътибор билан эшитиб, муаммога ечим излаш керак. Шу боис ҳам жойларда қабуллар ташкил қиляпмиз, “Аёллар дафтари”дагиларга ҳуқуқий маслаҳатлар беришни йўлга қўйдик. Зеро, суд бу адолат қўрғонидир.  

Вилоятнинг барча туман ва шаҳарларида фуқароларнинг суд-ҳуқуқ соҳасига оид муаммоларини ўрганиш ва уларни қонунда белгиланган тартибда ҳал этиш юзасидан судлар томонидан амалий ишлар давом эттирилмоқда.  

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Иш ҳақи ва унга тенглаштирилган тўловларни ундиришИшонч телефони5 Июнь 202117 Июнь 2021Андижон вилояти

Фойдали ресурслар