Ўзбекистон Республикаси Президентининг Виртуал қабулхонаси ахборот тизими фаолиятининг узлуксизлигини таъминлаш мақсадида режали техник профилактика ишлари олиб борилиши муносабати билан эртага 2021 йил 29 июн (Сешанба) куни соат 19:00 дан шу йилнинг 30 июн (Чоршанба) куни соат 02:00 га қадар Виртуал қабулхона тизимидан фойдаланиш имконияти чекланиши мумкинлигини маълум қиламиз. Вақтинчалик ноқулайликлар учун узр сўраймиз.
2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Ижтимоий тармоқда тарқалган мурожаат сабаб муаммо бартараф этилди

Ижтимоий тармоқларда Шаҳрихон тумани Қўрғонча маҳалласи Файзиобод кўчасида яшовчи бир гуруҳ фуқароларнинг ичимлик суви, электр энергияси таъминотидаги муаммолар, маҳалла аҳолиси фойдаланиб келаётган кўприкнинг носоз аҳволга тушиб қолганлиги бўйича видеомурожаати тарқалган эди.

Жойлардаги муаммоларни ўрганиш, аҳолини қийнаб келаётган масалаларни ҳал этиш, умуман, ҳудудларни комплекс ривожлантиришда фуқароларнинг мурожаатлари муҳим аҳамият касб этади.

Ушбу мурожаат юзасидан "Ҳудудий электр тармоқлари" акционерлик жамияти бошқаруви раисининг ўринбосари Дилшодбек Носиров бошчилигида ишчи гуруҳ тузилиб, электр энергияси таъминоти борасидаги камчиликлар жойига бориб ўрганилди ва муаммо зудлик билан бартараф этилди.

Қўрғонча маҳалласи Файзиобод кўчасидаги юзга яқин хонадонда 450 нафардан зиёд аҳоли истиқомат қилади. Бугун маҳалла аҳлининг қувончи чексиз. Чунки, Шаҳрихон туман электр таъминоти корхонаси ходимлари томонидан “Олтин Водий” подстанциясидан 110/10 кВт кучланишдаги фидер юқори қувватли бошқа тармоққа уланди, бутун Қўрғонча қишлоғига хизмат қилаётган иккита трансформатор пункти тўла таъмирланди, эски, яроқсиз ҳолга келиб қолган 20 дона ёғоч устун янги темир-бетон таянчли устунларга алмаштирилиб, 1,2 километр масофага 0,4 кВтли ҳаво тармоғи тортилди.

– Кунига бир неча соатлаб, айниқса, одамлар овқатланадиган, болалар дарс қиладиган вақтларда свет бўлмаслигидан азият чекаётган эдик, – дейди Файзиобод кўчасида яшовчи, меҳнат фахрийси Абдуманноб Исмонов. – Ушбу муаммо юзасидан қилган мурожаатимиз электр таъминоти корхонаси мутахассислари томонидан жуда қисқа муддатда бартараф этилганидан хурсандмиз. Ўз ишига масъулият билан қараётган мутассаддилардан миннатдормиз. Эътиборга жавобан маҳалламиз аҳли электр энергиясини исроф қилмай, тежаб-тергаб фойдаланади.

“Андижон ҳудудий электр тармоқлари корхонаси” акциядорлик жамияти, туман, шаҳар электр таъминоти корхоналарида қиш мавсумини беталофат ўтказиш, электр энергияси таъминотида юзага келиши мумкин бўлган носозликларни зудлик билан бартараф этиш бўйича тузилган штаблар томонидан аҳолининг юқоридаги каби мурожаатлари қабул қилиниб, муаммолар зудлик билан бартараф этилмоқда.

 

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Иш ҳақи ва унга тенглаштирилган тўловларни ундиришИшонч телефони5 Июнь 202117 Июнь 2021Андижон вилояти

Фойдали ресурслар