Стратегия действий по пяти приоритетным направлениям развития Республики Узбекистан в 2017-2021 годы
Муаммоларга ечим бўлаётган сайёр қабуллар

Ҳудудларни ўрганиш ва аҳолининг ҳақли эътирозлари, муаммо ва мурожаатларига ечим топиш мақсадида Сирдарё вилоятидаги секторлар раҳбарлари сайёр қабул ва учрашувлар ўтказиб келмоқда.

Вилоят давлат солиқ бошқармаси бошлиғи, 4-сектор раҳбари Ж.Ғойибов томонидан Мирзаобод туманининг Боғистон ва Янги ҳаёт маҳалла фуқаролар йиғинларида навбатдаги сайёр қабул ташкил этилди.

Ушбу сайёр қабулда сектор раҳбари, ишчи гуруҳ аъзолари ва мутасадди идораларнинг вакиллари ташкилот, муассасаларда бўлиб, кўчама-кўча, уйма-уй юриб маҳалла кўчаларида, ҳудуддаги ташкилот ва муассасаларда ҳамда аҳоли хонадонларидаги муаммоларни ўрганди. Фуқаролар билан юзма-юз суҳбатлашилди. Юзага келган муаммолар, унинг келиб чиқиш сабаблари ўрганилди ва уларни бартараф этиш юзасидан аниқ чора-тадбирлар белгиланди.

Сайёр қабул жарёнида фуқаролар томонидан 10 дан ортиқ масала бўйича мурожаатлар бўлиб, уларнинг 7 таси жойида қаноатлантирилган бўлса, 1 та масала юзасидан тушунтириш ишлари олиб борилди. Аҳоли томонидан кўтарилган 3 та масала эса ўрганиш вақт талаб қилганлиги боис, мутасаддиларга вазифалар юклатилиб, ижроси юзасидан аниқ муддат белгиланди ва назоратга олинди.

Жумладан, Боғистон маҳалла фуқаролар йиғини “Истиқлол” кўчаси 3-уйда яшовчи фуқаро А.Суюнов хонадонидаги иссиқхонада майизчилик билан шуғулланаётганлиги, пенсия ёшига яқинлашиб қолганлиги, бироқ унинг иш стажи етарли эмаслиги тўғрисида қилган мурожаати солиқ идораси вакиллари томонидан жойида ижобий ҳал этилди.

– Президентимизнинг жорий йил 8 июндаги қарорида белгилаб қўйилганидек, биз Алишер Суюновни томорқасида шуғулланаётган ишини ҳисобга олиб, уни ўзини ўзи банд қилганлар рўйхатига киритдик, – дейди вилоят давлат солиқ бошқармаси бош инспектори, ишчи гуруҳи аъзоси А.Абдувалиев. – Эндиликда у зарур иш стажига эга бўлиши ва пенсия ёшига етгач, етарли иш стажи билан нафақага чиқиши мумкин.

Шу куни фуқаролардан тижорат банкларидан берилаётган кредитларнинг фоизи анча юқори эканлиги, маҳалла томонидан моддий ёрдам беришда сусткашликка йўл қўйилаётганлиги, совуқ кунларда табиий газ босимининг пастлаб кетаётганилиги ва бунинг натижасида хонадонларни иситиш қийин бўлаётгани ҳамда ичимлик суви таъминотида юзага келаётган муаммолар бўйича ҳам мурожаатлар келиб тушди.

Ишчи гуруҳи кредит масаласини тижорат банклари, моддий ёрдам пулларини маҳалла фуқаролар йиғинлари билан ўрганиб чиқишни ўз зиммасига олди. Аҳоли учун энг қисқа фурсатда арзон нархларда кўмир маҳсулотлари савдосини йўлга қўйилиши таъкидланди. Ичимлик суви юзасидан юзага келган муаммони қисқа вақтда бартараф этиш мутасадди ташкилот раҳбари зиммасига юклатилиб, аниқ ижро муддати белгиланди.

Ушбу сайёр қабулнинг яна бир эътиборга молик жиҳати шундаки, қабул жараёни давомида 4-сектор раҳбари Ж.Ғойибов, ҳар икки маҳалла фуқаролар йиғинидаги кам таъминланган, эҳтиёжманд ҳамда бемор ётган фуқаролар ҳолидан хабар олди ва уларнинг ҳар бирига кундалик, 8 турдаги зарур озиқ-овқат маҳсулотлари етказиб берилди.

 

А.ҚАЮМОВ, Ф.ТОШМАТОВ (сурат), ЎзА

21.11.2020

Решенные обращения

Тип классификации обращенияСпособ направленияДата принятияДата рассмотренияРегион
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Республика Каракалпакстан
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхандарьинская область
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самаркандская область
Муҳтожларга бир марталик моддий ёрдамИшонч телефони27 Январь 202424 Февраль 2024Бухарская область
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Ташкентская область
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Ташкентская область
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Джизакская область

полезные ресурсы