Sektor rahbarlari tomonidan joylarda o‘tkazilayotgan sayyor qabullar odamlarning dardini eshitish, og‘irini engil qilish yurtdoshlarimizning adolatga, davlatga bo‘lgan ishonchini mustahkamlashga xizmat qilmoqda.
Jizzax viloyat DSB boshlig‘i A.Ishnazarovning Arnasoy tumanidagi Gulbahor qishloq fuqarolari yig‘inida bo‘lib o‘tgan sayyor qabulida davlat hokimiyati va boshqaruvi organlarining xalq bilan muloqoti turli muammolarga o‘z joyida echim topishning samarali usuli ekani yana bir bor o‘z tasdig‘ini topdi. Sayyor qabulda davlatimiz rahbarining 2016-yil 28-dekabrdagi “Jismoniy va yuridik shaxslarning murojaatlari bilan ishlash tizimini tubdan takomillashtirishga doir chora-tadbirlar to‘g‘risida”gi farmoni asosida joylarda soliq idoralaridan tashkil topgan 4-sektor rahbarlari samarali faoliyat yuritayotgani ta’kidlandi. “Xalq davlat idoralariga emas, davlat idoralari xalqimizga xizmat qilishi kerak”, degan tamoyil asosida ish yuritayotgan soliqchilardan aholi mamnun. Murojaatlar asosan, bankdan kredit olish, aholi bandligini ta’minlash, yangi ish o‘rinlari yaratish, turar joy, kommunal xizmat, sog‘liqni saqlash, ta’lim tizimiga aloqador masalalar, pensiya va nafaqa ta’minoti, tadbirkorlik rivojiga to‘sqinlik qilayotgan muammolar xususida bo‘lib, ularning aksariyati joyida ijobiy hal etildi.
– Yangi imorat qurish, tadbirkorlik faoliyatini yanada kengaytirish uchun er uchastkasi ajratilishi bo‘yicha qilgan murojaatim tezda hal bo‘ldi, – deydi yosh tadbirkor Shoxrux Yoqubov. – Bu reja amalga oshsa, 10 dan ziyod kishining bandligi ta’minlanadi. Murojaatlarni samarali hal etishning bunday zamonaviy tizimi yo‘lga qo‘yilganidan barchamiz xursandmiz.
Qabulda 55 nafarga yaqin fuqarolar ishtirok etishdi. 29 ta murojaatni xal etish zarur vaqt talab qilishi hisobiga nazoratga olindi. 10 ga yaqin murojaat joyida mas’ullar ishtirokida echilgan bo‘lsa, ayrim fuqarolarga tadbirkorlikni rivojlantirish bo‘yicha tavsiyalar berildi. Yo‘llarni asfaltlash, aholini toza ichimlik suvi bilan ta’minlash kabi masalalar yuzasidan fikr almashildi.
Тип классификации обращения | Способ направления | Дата принятия | Дата рассмотрения | Регион |
---|---|---|---|---|
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Ташкентская область |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхандарьинская область |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухарская область |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самаркандская область |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Ташкентская область |
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Республика Каракалпакстан |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Джизакская область |