Ўзбекистон Республикаси Олий суд раисининг ўринбосари Х. Ёдгоров ва Олий суд судьялари Жиззах вилояти аҳолиси билан очиқ мулоқот ўтказди.

Судьялар томонидан дастлаб Жиззах шаҳар транспорт алоқа коллежида, сўнгра Фориш туман мусиқа ва санъат мактабида сайёр қабуллар ташкил этилди. Бу ҳақда Олий суд Матбуот хизмати хабар бермоқда.

Сайёр қабулларда жами 104 та мурожаат қабул қилиниб, шундан жиноят ишлари юзасидан 65 нафар, фуқаролик ишлари юзасидан 26 нафар, иқтисодий ишлар бўйича 11 нафар ҳамда маъмурий ишлар бўйича 2 нафар фуқаронинг мурожаати ўрганилди. Бундан ташқари, қабул давомида ҳокимлик, прокуратура, ички ишлар органлари ва Мажбурий ижро бюросига тааллуқли 4 та мурожаат хам келиб тушди.

Қабуллар натижаларига кўра, 61 та мурожаатлар қаноатлантирилди, 39 та мурожаат бўйича ҳуқуқий тушунтириш берилди, 5 та назорат тартибидаги шикоятлар Олий судда ўрганиш учун қабул қилинди.

Қаноатлантирилган 61 та мурожаатлар бўйича 38 нафар фуқаро тайинланган жазодан шартли озод этилди. 9 нафар фуқаро жазони ижро этиш муассасасидан муддатидан олдин озод қилиниб, оиласи бағрига қайтарилди. Шунингдек, 2 нафар фуқаронинг судланганлик ҳолати олиб ташланди.