Самарқанд вилояти ҳокими Эркинжон Турдимов Пахтачи туманидаги Шамси Назаров номли маҳаллада сайёр қабул ўтказди.
Қабул давомида аҳоли томонидан мактабгача таълим муассасалари ташкил этиш, йўлларни таъмирлаш, тоза ичимлик сув таъминотини яхшилаш, коммунал соҳадаги камчиликларни бартараф этиш, уй-жой билан таъминлаш, кредит олиш ва бошқа масалаларда 160 дан зиёд мурожаат тушди.
Масалан, Каттақўрғон шаҳар Жизмонсой маҳалласида яшовчи Қурбонқул Норқулов шаҳардаги ички йўллар носоз ҳолга келганлиги, таъмирланаётганлари эса сифатсиз бажарилаётганлиги юзасидан мурожаат қилди. Вилоят ҳокими бу масала бўйича шаҳар ҳокимлиги ҳамда йўл қурилиши корхоналари раҳбарларига топшириқлар берди.
Ургут тумани Катта Торинжак маҳалласида яшовчи Раъно Султонованинг хусусий мактабгача таълим муассасаси очиш учун ер майдони ажратиш масаласидаги мурожаатига шу ернинг ўзида ижобий ечим топилди.
– Муаммоларни ҳал этишга барчамиз бирдек масъулмиз, – деди Э.Турдимов. – Бугун ҳал этмасак, ечимини кутаётган масалалар кундан-кунга ортиб боради. Шунинг учун ҳар бир раҳбар ва мутасаддилар аҳоли томонидан тушган мурожаатларга масъулият билан ёндашиши лозим. Шундагина давлат идоралари халққа хизмат қилиши керак, деган ғоя амалда ўз исботини топади.
Сайёр қабулдан сўнг мурожаатларни ҳал этишга масъул этиб белгиланган мутасаддилар аҳоли билан юзма-юз мулоқот ўтказди.
Тип классификации обращения | Способ направления | Дата принятия | Дата рассмотрения | Регион |
---|---|---|---|---|
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Джизакская область |
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Республика Каракалпакстан |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самаркандская область |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Ташкентская область |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухарская область |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхандарьинская область |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Ташкентская область |