Жиззах вилоятининг Янгиобод тумани “Сармич” маҳалла фуқаролар йиғини ҳудудида 120 ўринли давлат мактабгача таълим ташкилоти биноси янгидан қурилди.
Энди болажонлар янги йилда янги боғчага боришади.
Шу муносабат билан ўтказилган тадбирда туман ҳокимлиги, секторлар ва мутасадди ташкилотлар раҳбарлари, мактабгача таълим бўлими ходимлари, маҳалла фаоллари, меҳнат фахрийлари ҳамда мактабгача таълим ташкилоти тарбиячилари, тарбияланувчилар ҳамда уларнинг ота-оналар иштирок этди.
Маросимда туман ҳокими Иброҳим Қаршибоев ва бошқалар сўзга чиқиб, йиғилганларни Янги йил ва маҳаллада янги болалар боғчаси очилгани билан самимий қутлади. Замонавий ва кўркам қиёфада бунёд этилган ушбу таълим-тарбия маскани сармичлик болажонларни ватанга муносиб фарзандлар этиб тарбиялашда муҳим аҳамият касб этиши таъкидланди.
Тадбирнинг расмий қисми ниҳоясига етгач, иштирокчилар барча шароитлар мужассам этилган муассаса биноси ва болажонлар учун яратилган қулайликлар билан яқиндан таништирилди. Икки қаватли муҳташам мактабгача таълим ташкилотининг бири-биридан чиройли, кенг ва ёруғ хоналари, ётоқхоналари, мусиқа ва бадиий гимнастика залининг деворлари тарбия масканига хос тарзда чиройли расмлар билан безатилганини алоҳида таъкидлаш лозим.
Ўйин майдончалари, ошхона замонавий тарзда жиҳозланган. Мўжазгина кутубхона жавонидан болаларга мўлжалланган асарлар ўрин олган.
Инвестиция дастури асосида 3 миллиард сўмдан зиёд маблағ эвазига барпо этилган мазкур замонавий боғча 120 нафар жажжи ўғил-қизлар учун мўлжалланган. Ушбу МТТда болажонларнинг етук авлод бўлиб камол топишлари учун рус, инглиз тиллари, спорт ва моҳир қўллар тўгараклари фаолият олиб бормоқда.
Янги боғчада 29 нафар, асосан “Аёллар дафтари” рўйхатида турган янгиободлик хотин-қизлар доимий иш билан таъминланди.
Тип классификации обращения | Способ направления | Дата принятия | Дата рассмотрения | Регион |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Республика Каракалпакстан |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхандарьинская область |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самаркандская область |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухарская область |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Ташкентская область |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Ташкентская область |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Джизакская область |