Навоий вилоятининг Зарафшон шаҳрида Учқудуқ ва Томди туманлари ва Зарафшон шаҳри аҳолиси иштирокида Ўзбекистон Республикаси Президенти маслаҳатчисининг биринчи ўринбосари Бахтиёр Исломов раҳбарлигида Ишчи гуруҳ томонидан суд-ҳуқуқ масалалари бўйича оммавий қабул ўтказилди.
Жумладан, Ўзбекистон Республикаси Олий суди раисининг ўринбосари И.Муслимов иштирокида ўтказилган сайёр қабулда 56 нафар фуқаронинг 47 таси жиноят ишлари бўйича, 9 таси фуқаролик ишлар бўйича судларга оид масалада мурожаат қилди.
56 та мурожаатдан 16 таси бўйича ҳуқуқий тушунтиришлар берилди, 35 та мурожаат жойида ижобий ҳал этилиб, мурожаатлар қаноатлантирилди. 5 та мурожаат бўйича аризалар Олий суд томонидан кассация тартибида ҳал қилиш учун қабул қилинди, ушбу мурожаатларнинг барчаси қаноатлантирилиб, тегишли судлов ҳайъатига кўриб чиқиш учун ўтказилди.
– Жиноят ишлари бўйича Зарафшон шаҳар суди томонидан 18 та, жиноят ишлари бўйича Учқудуқ туман суди томонидан 5 та, жиноят ишлари бўйича Томди туман суди томонидан 12 та, жами 35 нафар шахс жазони ўташдан муддатидан олдин озод қилинди, – дейди Навоий вилоят суди жамоатчилик ва ОАВ билан алоқалар бўйича бош консультанти Азиза Рўзиева. – Шунингдек, жиноят ишлари бўйича Томди туман суди томонидан 2 нафар шахсга оид жиноят иши тарафларнинг ярашганлиги муносабати билан тугатилди. Фуқаролик ишлари бўйича судлар томонидан 8 нафар шахсга нисбатан алимент ундириш юзасидан суд буйруғи чиқарилиб, ижрога қаратилди. 5 нафар шахсга нисбатан фуқаролик ишлари бўйича судлар томонидан юридик аҳамиятга эга бўлган фактларни белгилаш бўйича аризаси қаноатлантирилди.
Шу билан бирга фуқаролик ишлари бўйича судлар томонидан 6 нафар шахсга нисбатан қарз ундириш, 1 нафар шахсга нисбатан таъминот ундириш, 1 нафар шахсга нисбатан компенсация ундириш ҳақидаги даъво аризалар Ижобий ҳал этилган бўлса, фуқаролик ишлари бўйича судлар томонидан ажрашиш ёқасига келиб қолган оилалар билан суҳбат ўтказилиб, 7 нафар вояга етмаган фарзанди бор 3 та оила яраштирилди.
Шуни алоҳида таъкидлаш керакки, иқтисодий судлар томонидан 17 та иш суд мажлисларида кўрилиб, тадбиркор (даъвогар)лар фойдасига жами 655 миллион сўмлик даъво талаблари қаноатлантирилди.
Оммавий қабуллар вилоят бўйлаб давом этмоқда.
Тип классификации обращения | Способ направления | Дата принятия | Дата рассмотрения | Регион |
---|---|---|---|---|
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Ташкентская область |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Ташкентская область |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухарская область |
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Республика Каракалпакстан |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Джизакская область |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхандарьинская область |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самаркандская область |