Сурхондарё вилояти ҳокими Тўра Боболов Республика ихтисослаштирилган онкология ва радиология илмий амалий тиббиёт маркази Термиз филиалида бўлиб, шифохонадаги шароитлар билан танишди.

Юз ўринга эга тиббиёт марказ аҳолига гематологик ва трансфузиологик ёрдам кўрсатиш, шундай касалликларнинг олдини олиш ҳамда уларни даволашга ихтисослашган. Бу ерда беморларга стационар, амбулатор тартибда хизмат кўрсатилади.  Муассаса замонавий нур терапияси ускуналари билан жиҳозланган.  

Жорий йилда шифохона учун 150 ўринли янги бино барпо этиш, бу ерда болалар онкологияси, болалар ва катталар учун онкогематология бўлимларини ташкил этиш кўзда тутилган.

Вилоят раҳбари марказда яратилган қулайликларни кўздан кечирди. Даволанаётган беморлар билан суҳбатлашди. Уларга шифо тилаб, Муборак Рамазон ҳайити муносабати билан байрам совғаларини топширди.