Andijon viloyati Paxtaobod tumanida Davlatimiz rahbarining 2020-yil 30-iyuldagi “Koronavirus pandemiyasi davrida ijtimoiy himoyaga va yordamga muhtoj aholi qatlamlarini moddiy qo‘llab-quvvatlashga doir qo‘shimcha chora-tadbirlar to‘g‘risida”gi farmonida belgilangan vazifalar ijrosi doirasida ishlar boshlab yuborildi.

Ma’lumki, farmonda pandemiya davrida ehtiyojmand aholi qatlamini ijtimoiy himoya qilish maqsadida bir martalik moddiy yordam ko‘rsatilishi belgilangan. Tuman hokimi va sektor rahbarlari etakchiligida tumanning Sangraobod va Muazzinboy mahallalarida ana shu bir martalik moddiy yordam pullari topshirildi.

Bugun mazkur mahallalardagi ehtiyojmand oilalarda istiqomat qiluvchi 128 nafar fuqaroning har biriga 220 ming so‘mdan moddiy yordam puli berildi.

Tumanda bir martalik yordam pulini berishni belgilangan muddat ichida to‘la yakunlanlash ko‘zda tutilgan.