«Har bir yoshga bir gektar» loyihasi doirasida 10 gektardan ziyod er maydonlari bekobodlik 10 nafar yoshga dehqonchilik qilish uchun ajratildi.

Ushbu maydonlar ekinga tayyorlanib, dehqonchilik ishlari boshlab yuborildi. Jumladan, 1,3 gektar sabzavot, 0,7 gektar poliz, 1,5 gektar dukkakli ekinlar, 3 gektar boshoqli don ekinlari va 1,5 gektar kartoshka ekish uchun hamda 5 gektar esa bog‘ yaratish uchun imkoniyatlar yaratib berildi. Bu haqda Toshkent viloyati hokimligi matbuot xizmati xabar berdi.

Tuman davlat soliq inspektsiyasi boshlig‘i Jahongir Alimov yoshlarga har bir qarich erdan unumli va samarali foydalanishi, oilasi daromadini yaxshilashi kerakligi to‘g‘risida taklif va tavsiyalarni ham berib o‘tdi.

– Men bugun 1 gektar erning egasi bo‘ldim, – deydi Javohir O‘rinboev.– – Bundan xursandman. Kelgusida o‘zimga ajratilgan erlardan to‘g‘ri foydalanib, ekindan yuqori hosil olib, oilam daromadini yaxshilashga, yuqori hosildorlikka erishsam xalqimiz dasturxonini qishloq-xo‘jaligi mahsulotlari bilan to‘ldirishga o‘z hissamni qo‘shaman.

Viloyat aholisi soni ortib borishi bilan bir qatorda uning mehnat bilan bandligini ta’minlash masalasi ham dolzarb ahamiyat kasb etadi «Har bir yoshga bir gektar» loyihasi asosida ajratib berilayotgan erlar yoshlarga imkoniyat eshiklarini ochadi.

Hududda tadbirkorlik istagini bildirgan fuqarolar uchun imtiyozli kredit berish bo‘yicha ham ochiq muloqotlar o‘tkazilmoqda. Bugungi sinovli kunlarda ham bu borada amaliy ishlar tizimli ravishda davom etmoqda.