Poytaxtimizdagi Talabalar shaharchasida Prezidentimiz Shavkat Mirziyoev ko‘rsatmasi asosida olim va pedagoglar uchun qurib foydalanishga topshirilgan turar joy binolarida farovon turmush uchun barcha sharoit yaratilgan.

Mazkur 6 ta 9 qavatli uyda 216 ta xonadon joy olgan bo‘lib, ular jihozlangan holda o‘z egalariga topshirildi.

Turar joy binosining devorlari energiya tejovchi materiallar bilan qoplangan. Har bir xonadonga alohida isitish moslamalari o‘rnatilgan. Uy atrofida bolalar o‘yingohlari, sport maydonchalari, avtoturargohlar barpo etilgan.