Sirdaryo viloyatida roʻy bergan texnogen falokat – “Sardoba” suv ombori toshqini oqibatlarini bartaraf etish uchun Mirzaobod tumaniga Andijon viloyatidan tashrif buyurgan mingdan ortiq muhandis va mutaxassislar bunyodkorlik ishlarida faol ishtirok etmoqda.

Oʻtgan qisqa vaqt ichida andijonlik 1 ming 875 binokor tomonidan “Navbahor” mahalla fuqarolar yigʻinida 132 ta uyning tom qismi toʻliq yopildi.

Ayni chogʻda shuningdek, har bir xonadon tomorqasida issiqxonalar barpo etilmoqda. Bu mahalliy aholining oziq-ovqat mahsulotlariga boʻlgan ehtiyojini qondirish bilan birga doimiy daromad manbai uchun zamin hozirlaydi.