Bugun Sirdaryoda yuzaga kelgan favqulodda hodisa oqibatlarini bartaraf etishda Xalq qabulxonalari ham munosib ishtirok qilmoqda.
Jumladan, Qoraqalpog‘iston Respublikasidagi, Toshkent shahri va viloyatlardagi Xalq qabulxonalari sektorlar rahbarlari hamkorligida “Saxovat karvon”lari Sirdaryo viloyatiga muntazam jo‘natilmoqda. Suv toshqinidan zarar ko‘rgan Sardoba, Oqoltin va Mirzaobod tumanlari aholisi uchun shu kunga qadar jami 1 milliard so‘mdan ziyod 38 turdagi kundalik hayot uchun zarur mahsulotlar olib kelinib, ehtiyojmand oilalarga etkazildi. Bular asosan oziq-ovqat mahsulotlari, kiyim-boshlar, ro‘zg‘or buyumlari, gigiena vositalari va boshqa buyumlardan iboratdir.
Xalq qabulxonalari mas’ullari maxsus ishchi guruhlar tashkil etib, Sardoba, Oqoltin, Mirzaobod tumanlarida uyma-uy yurib, “Qo‘rg‘ontepa”, “Ahillik”, “Qo‘rg‘ontepa”, “Do‘stlik”, “Yurtdosh”, “Saxovat” kabi o‘nlab fuqarolar yig‘inlaridagi 3,5 mingdan ziyod oilalarning holatini o‘rgandi. Natijada aholining ijtimoiy himoyaga muhtoj qatlami – boquvchisini yo‘qotgan ayollar, yakka-yolg‘iz keksalar, nogironligi bor shaxslar, yosh bolali, ko‘p farzandli oilalar ro‘yxati shakllantirib, ularning eng birlamchi hayotiy muammolarini hal qilishga alohida e’tibor qaratilmoqda.
Shu bilan birga vaqtinchalik ko‘chirilgan aholi holidan ham muntazam ravishda xabar olinyapti. Jumladan, Xalq qabulxonalari xodimlari Guliston shahri “Bo‘ston”, Mirzaobod tumani “Navro‘z” mahallalarida singari tashkil etilgan qator ijtimoiy markazlardagi oilalarga kunlik ehtiyojlari uchun nima zarur bo‘lsa, barcha kerakli yordamni o‘z vaqtida ko‘rsatyaptilar.
Toshqin oqibatidan jabr chekkan insonlar muammolarini o‘rganish asnosida Xalq qabulxonalariga 1,1 mingdan ziyod murojaat qabul qilingan. Mutasaddi tashkilotlar vakillari bilan hamkorlikda ko‘rilgan tezkor chora-tadbirlar natijasida mazkur murojaatlarda ko‘tarilgan masalalarning 89 foizi joyida hal qilingan. Xususan, ichimlik suvi, elektr energiyasi va gaz bilan ta’minlash, toshqin natijasida yo‘qotilgan hujjatlarni tiklash, zararni qoplash uchun kompensatsiya mablag‘larini belgilash va undirish, kredit ta’tillari berish, qo‘shimcha imoratlarni tiklash, bandlikni ta’minlash kabi qator masalalar shular jumlasidandir.
Bu bordagi ishlar izchil davom etmoqda. Sirdaryoliklarning hech bir muammosi o‘z echimini topay qolmaydi!
Murojaat tasnifi | Yuborish usuli | Kelib tushgan sana | Ko'rib chiqilgan sana | Hudud |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Fevral 2024 | 21 Fevral 2024 | Qoraqalpog`iston Respublikasi |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Fevral 2024 | 26 Fevral 2024 | Surxondaryo viloyati |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Fevral 2024 | 23 Fevral 2024 | Samarqand viloyati |
Муҳтожларга бир марталик моддий ёрдам | Ишонч телефони | 27 Yanvar 2024 | 24 Fevral 2024 | Buxoro viloyati |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Oktabr 2023 | 23 Fevral 2024 | Toshkent viloyati |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Noyabr 2023 | 27 Fevral 2024 | Toshkent viloyati |
Суриштирув, терговга қадар текширув ва тергов ҳаракатларидан норозилик | Веб-сайт | 14 Fevral 2024 | 20 Fevral 2024 | Jizzax viloyati |