2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
Zangiotada 15 gektar bogʻ oralari 22 oilaga ajratib berildi

Toshkent viloyatining Zangiota tumanida aholi, ayniqsa, yoshlar bandligini taʼminlash borasidagi ishlar izchil davom ettirilmoqda.

Prezident Xalq qabulxonasi, sektorlar rahbarlari va Yoshlar ittifoqi bu borada yangi imkoniyatlarni izlab topmoqda. Oʻtgan yili Zangiota tumani Achchiqsoy mahallasidagi qarovsiz 15 gektar hudud obod qilingan, suv chiqarilib, bogʻ barpo etilgan edi.

 

Bu yil bogʻning saxovatpesha egalari 15 gektardagi koʻchatlar oralarini hududdagi ijtimoiy himoyaga muhtoj 22 oilaning ishsiz farzandlariga begʻaraz ajratib berdi. Maqsad – ularning ekin ekib, daromad topishiga sharoit yaratish.

 

Ezgu ishlar tezda boʻy koʻrsatdi: 22 oilada yashovchi 32 kishi barqaror daromad manbaiga ega boʻldi. Ayni paytda bogʻ oralarida bir qarich ham boʻsh joy yoʻq: kimdir qulupnay yo sarimsoq, boshqa birov kartoshka yoki pomidor parvarishlamoqda. Bulgʻor qalampirlari boʻy choʻzib, tarvuz-qovunlar palak yozdi.

 

Mana, shu kunlarda qulupnaylar gʻarq pishdi. Oilalar dastlabki daromadini ola boshladi. Tez orada qolgan mahsulotlar ham bozorga chiqariladi. Soʻng ikkinchi ekinga kirishiladi. Yaʼni, 22 oila shu tariqa yil boʻyi shu bogʻda mehnat qilib, roʻzgʻorini butlaydi. Bogʻdagi daraxtlar hosilga kirgach, yana qoʻshimcha ish oʻrinlari yaratiladi.

 

Tajribali mirishkorlar yoshlarga dehqonchilik sir-asrorlarini oʻrgatib kelmoqda.

 

 

02.05.2020

Hal etilgan murojaatlar

Murojaat tasnifiYuborish usuliKelib tushgan sanaKo'rib chiqilgan sanaHudud
Қимматли қоғозлар бўйича дивидендларIshonch telefoni7 Sentabr 201916 Sentabr 2019Qashqadaryo viloyati
Уй-жой билан таъминлашXalq qabulxonasi10 Avgust 201917 Sentabr 2019Toshkent viloyati

Foydali resurslar