2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
Xalq manfaatlari yo‘lida xizmat qilishga tayyormiz

Joylarda aholi bilan uchrashuvlar natijalari, murojaatlar tahlili davlat organlari va fuqarolar o‘rtasida bog‘lab turuvchi ko‘prikka zarurat borligini ko‘rsatmoqda.

Bu borada davlatimiz rahbari joriy yilning 16 aprel kuni imzolagan “O‘zbekiston Respublikasi Prezidenti huzuridagi Jamoatchilik palatasini tashkil etish to‘g‘risida”gi PF-5980-sonli farmoniga binoan tuziladigan yangi palata davlat va jamiyat o‘rtasida o‘zaro yaqin hamkorlikni mustahkamlovchi muhim hujjat hisoblanadi.

Farmonda belgilanganidek, Jamoatchilik palatasida jamoatchilik asosida ishlaydigan a’zolar soni 50 nafardan iborat bo‘lib, ularning 18 nafari Prezident tomonidan tayinlanadi. Ular turli sohalarda jamiyat rivojiga hissa qo‘shib kelayotgan fuqarolar, NNT va OAV vakillari orasidan tayinlanadi. Yana 18 nafar a’zo esa respublika miqyosida faoliyat ko‘rsatayotgan NNT, OAV va keng jamoatchilik vakillari taqdim etgan nomzodlar orasidan tanlov asosida Jamoatchilik palatasi qaroriga asosan a’zo etib qabul qilinadi. Palataning 14 nafar a’zosi hududiy Jamoatchilik palatasi vakillari bo‘lib ular lavozimi bo‘yicha hududiy Jamoatchilik palatasi raisi hisoblanadi.

Shuningdek, hududiy Jamoatchilik palatasi jamoatchilik asosida ishlaydigan 21 nafar a’zodan iborat bo‘lishi belgilandi. Jamoatchilik palatasi vakillarining muddati 3 yil qilib belgilangan. Yuridik maqomi esa maslahat Kengash organi bo‘ladi. Jamoatchilik Kengashi tomonidan ishlab chiqiladigan taklif va mulohazalar tavsiyaviy xarakterga ega bo‘ladi.

Palata a’zolari har bir davlat organining ochiq hay’at majlisida shuningdek, Oliy Majlis palatalarining majlislarida, hukumat soatida, mahalliy Kengashlar majlislarida ishtirok etishga haqli. O‘zbekiston Respublikasi Konstitutsiyasiga o‘zgartirish va tuzatishlar kiritish to‘g‘risidagi takliflar, o‘ta dolzarb masalalarga normativ-huquqiy hujjatlar loyihalari jamoatchilik palatasiga ko‘rib chiqish uchun yuboriladi. Bundan tashqari palatalarga jamoatchilik palatasi so‘rovini yuborish, davlat organlari huzuridagi jamoatchilik kengashlari tarkiblarini shakllantirishda ishtirok etish singari vakolatlar berilmoqda.

Yangi kiritilayotgan tartibga muvofiq viloyat xalq deputatlari kengashlarining yig‘ilishlarida har chorakda jamoatchilik palatasi tomonidan ko‘tarilgan va o‘tkazilgan o‘rganishlar natijalari muhokama qilinishi belgilandi. Shu bilan birga jamoatchilik palatasiga berilgan muhim masalalardan biri bu fuqarolik jamiyatini rivojlantirish sohasida fundamental tadqiqotlarga tashabbuskor bo‘lish imkoniyati berilmoqda.

Jamoatchilik palatasining muhim vazifalaridan biri bu davlat dasturlarining ham monitoringini amalga oshirish, undan tashqari joylarda qonunchilik hujjatlarining amalda ishlash holatini ham monitoring qilish vazifasi yuklatilmoqda. Bu esa “Jamoatchilik nazorati to‘g‘risida”gi qonunda belgilab berilgan nazorat funktsiyalari, nazorat instrumentlaridan endilikda yanada faol, yanada kengroq foydalanish imkoniyatini beradi. Bu borada farmonda manfaatdor vazirlik va idoralarga “O‘zbekiston Respublikasi Prezident huzuridagi jamoatchilik palatasi to‘g‘risida”gi qonun loyihasini ishlab chiqish vazifasi yuklatildi.

Shunday qilib, mamlakatimizda jamiyat islohotlar tashabbuskori degan xalqchil g‘oyaning amaldagi ro‘yobi sifatida fuqarolar manfaatlarini himoya qiluvchi yangi tuzilma maydonga kelmoqda. Biz nodavlat notijorat tashkilotlari vakillari bu ishonchni oqlaymiz va o‘zimizda bor imkoniyatlarni amalga oshirib xalq uchun beminnat xizmat qilishimizni bildiramiz.

20.04.2020

Hal etilgan murojaatlar

Murojaat tasnifiYuborish usuliKelib tushgan sanaKo'rib chiqilgan sanaHudud
Муҳтожларга бир марталик моддий ёрдамИшонч телефони27 Yanvar 202424 Fevral 2024Buxoro viloyati
Суриштирув, терговга қадар текширув ва тергов ҳаракатларидан норозиликВеб-сайт14 Fevral 202420 Fevral 2024Jizzax viloyati
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Fevral 202423 Fevral 2024Samarqand viloyati
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Fevral 202426 Fevral 2024Surxondaryo viloyati
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Oktabr 202323 Fevral 2024Toshkent viloyati
Янги мактаб ташкил этиш, мактабга қўшимча иншоотлар қуришИшонч телефони17 Noyabr 202327 Fevral 2024Toshkent viloyati
Ишсиз деб эътироф этиш ва ишсизлик нафақасини тайинлашИшонч телефони12 Fevral 202421 Fevral 2024Qoraqalpog`iston Respublikasi

Foydali resurslar