Orol dengizining qurigan maydoniga «yashil qoplama» – himoya o‘rmonzorlarini barpo qilishning navbatdagi mavsumi yakuniga etdi. Mo‘ynoq tumaniga qarashli sobiq Vozrojdenie oroli va Qorao‘zak tumani huxudidagi Aqpetkey massivida samolyotda urug‘ ekish va ko‘chat o‘tqazish ishlari olib borildi.
–2019-2020 yillarda dengizning qurigan maydoniga, ya’ni Vozrojdenie va Aqpetkey hududlariga 700 ming gektar maydonda «yashil qoplama» – himoya o‘rmonzorlari barpo qilish uchun cho‘l o‘simliklarini ekish belgilangan edi. Mart oyi oxirlarida belgilangan rejalar ortig‘i bilan bajarildi – Orolning suvi qurigan 706 ming 401 gektar maydonida o‘rmonlashtirish ishlari olib borildi, – deydi Qoraqalpog‘iston Respublikasi O‘rmon xo‘jaligi qo‘mitasi raisi o‘rinbosari Erniyaz Akimniyazov. – Reja bo‘yicha 100 ming gektar maydonda ko‘chat ekish, 510 ming gektar maydonda samolyot yordamida urug‘ sepish hamda 90 ming gektar maydonda texnika yordamida urug‘ ekish mo‘ljallangan bo‘lsa, haqiqatda 40 ming 284 gektar maydonda ko‘chatdan ekildi, 663 ming 103 gektar maydonga texnikalarda (samolyot, delьtaplan va traktorlarda) urug‘ sepildi. Mavsum davomida qariyb 167 ming gektar er maydoni ekishga tayyorlandi.
O‘rmonlashtirish tadbirlari uchun 2 ming 770 tonnaga yaqin cho‘l o‘simliklari urug‘lari tayyorlandi. Shundan 600 tonnaga yaqini Mo‘ynoq tumani aholisi tomonidan to‘plandi. Ekishga asosan saksovul urug‘lari, undan tashqari qorabaraq, qandim, cherkez va boshqa cho‘l o‘simliklari tayyorlandi va ekildi.
Orolning qurigan tubida o‘rmonlashtirish tadbirlariga 850 ta texnika (jumladan 4 ta samolyot) va 2500 dan ortiq ishchilar jalb qilindi.
Mazkur tadbir 2019 yil dekabrь oyida boshlangan bo‘lib 2020 yil mart oyi oxirlarida reja ortig‘i bilan bajarildi. Bundan oldingi masumda (2018 yil dekabrь va 2019 yil mart oylari) 460 ming gektardan ortiq maydonda cho‘l o‘simliklari ekilgan edi.
Umuman, o‘rmonlashtirish tadbirlari dengiz chekingandan keyin, ya’ni o‘tgan asrning 80 yillarida boshlangan bo‘lib, qariyb 40 yil davomida atigi 400 ming gektar maydon o‘rmonlashtirilgan edi. 2018 yilgacha, ya’ni yangi o‘rmonlashtirish davri boshlangunga qadar, Mo‘ynoqda o‘rmonlashtirish tadbirlariga atigi ikkita traktor (T28 markali) va 10-15 ishchi jalb qilingan bo‘lsa, bugungi kunda bu ko‘rsatkich bir necha yuz barobarga oshgan.
Murojaat tasnifi | Yuborish usuli | Kelib tushgan sana | Ko'rib chiqilgan sana | Hudud |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Fevral 2024 | 21 Fevral 2024 | Qoraqalpog`iston Respublikasi |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Oktabr 2023 | 23 Fevral 2024 | Toshkent viloyati |
Муҳтожларга бир марталик моддий ёрдам | Ишонч телефони | 27 Yanvar 2024 | 24 Fevral 2024 | Buxoro viloyati |
Суриштирув, терговга қадар текширув ва тергов ҳаракатларидан норозилик | Веб-сайт | 14 Fevral 2024 | 20 Fevral 2024 | Jizzax viloyati |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Fevral 2024 | 23 Fevral 2024 | Samarqand viloyati |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Noyabr 2023 | 27 Fevral 2024 | Toshkent viloyati |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Fevral 2024 | 26 Fevral 2024 | Surxondaryo viloyati |