Toshkent viloyatida jismoniy imkoniyati cheklangan, uy-joyga muhtoj 53 oilaga yangi uylar kaliti tantanali ravishda topshirildi.
Viloyat hokimligi mas’ullari, davlat va jamoat tashkilotlari vakillari ishtirok etgan tadbirda mamlakatimizda jismoniy imkoniyati cheklangan, nogironligi bo‘lgan fuqarolar har tomonlama qo‘llab-quvvatlanayotgani, chunonchi, bu toifadagi shaxslarni imtiyozli uy-joy bilan ta’minlash, o‘z imkoniyati darajasida mehnat qilishiga imkoniyat yaratish borasida tizimli ishlar amalga oshirilayotgani ta’kidlandi.
Prezidentimizning 2017 yil 1 dekabrdagi “Nogironligi bo‘lgan shaxslarni davlat tomonidan qo‘llab-quvvatlash tizimini tubdan takomillashtirish chora-tadbirlari to‘g‘risida”gi farmoni bu borada muhim dasturilamal bo‘lmoqda.
Mazkur hujjat ijrosi doirasida Olmaliq shahrida qarovsiz qolgan 9 qavatli bino “Universal g‘isht savdo“ mas’uliyati cheklangan jamiyati tomonidan to‘liq qayta ta’mirlandi. Sobiq yotoqxona binosi xonalari 1, 2 va 3 xonali xonadonlarga moslashtirilib, yashash uchun barcha zarur sharoitlar yaratildi.
– Bir oyog‘im yaxshi ishlamaydi, I guruh nogironiman, – deydi Olmaliq shahrining Abdulla Avloniy nomidagi mahallasida istiqomat qiluvchi Eldor Mardonov. – Turmush o‘rtog‘im Layloxon ham 2-guruh nogironi. Nolimayman, o‘g‘lim Bahodirdan umidlarim katta. Lekin, o‘z uying bo‘lgani yaxshi-da. Mana bugun azaliy orzuyimiz ushaldi. Buning uchun, avvalo, Prezidentimizga, shu ishga bosh qo‘shgan barcha insonlarga minnatdorlik bildiramiz.
Ushbu yangi uy foydalanishga topshirilishi bilan viloyatning Parkent, Piskent, Qibray, Yuqori Chirchiq va Chinoz tumanlaridan nogironligi bo‘lgan oilalar ham o‘z xonadoniga ega bo‘ldi. Yuqori Chirchiq tumanilik Abdulaziz Xolisov yangi xonadonga ega bo‘lganlardan biri.
– Oila qurib, uy-joy qilish xalqimizning azaliy qadriyatlaridan, – deydi u. – Turmush o‘rtog‘im Ulbo‘sin bilan farzandimiz Madinaxonni hech nimadan kam qilmay voyaga etkazyapmiz. Ammo o‘z uyi bo‘lishi, baxti yanada to‘kis bo‘lishini kim ham xohlamaydi. Mana, davlatimizning insonparvar siyosati tufayli o‘z boshpanamizga ega bo‘ldik.
Avaz Xudoyqulov, O‘zA
Murojaat tasnifi | Yuborish usuli | Kelib tushgan sana | Ko'rib chiqilgan sana | Hudud |
---|---|---|---|---|
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Oktabr 2023 | 23 Fevral 2024 | Toshkent viloyati |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Noyabr 2023 | 27 Fevral 2024 | Toshkent viloyati |
Муҳтожларга бир марталик моддий ёрдам | Ишонч телефони | 27 Yanvar 2024 | 24 Fevral 2024 | Buxoro viloyati |
Ишсиз деб эътироф этиш ва ишсизлик нафақасини тайинлаш | Ишонч телефони | 12 Fevral 2024 | 21 Fevral 2024 | Qoraqalpog`iston Respublikasi |
Суриштирув, терговга қадар текширув ва тергов ҳаракатларидан норозилик | Веб-сайт | 14 Fevral 2024 | 20 Fevral 2024 | Jizzax viloyati |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Fevral 2024 | 26 Fevral 2024 | Surxondaryo viloyati |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Fevral 2024 | 23 Fevral 2024 | Samarqand viloyati |