Namangan viloyati hokimi Xayrulla Bozorov Uchqoʻrgʻon tumanida sayyor qabul oʻtkazdi.

Viloyat, tuman hokimliklari mutasaddilari, sektor rahbarlari, korxona va tashkilotlar rahbarlari, Xalq qabulxonasi vakillari ishtirok etgan ochiq muloqotda fuqarolarning 100 dan ziyod murojaati koʻrib chiqildi.

Tibbiy xizmat, kommunal soha, moddiy yordam, bandlik, tadbirkorlik faoliyatini yoʻlga qoʻyish, taʼlim krediti kabi masalalar boʻyicha murojaatlarning aksariyati joyida hal etildi. Yechimi muddat talab etadigan murojaatlar nazoratga olinib, mutasaddi tashkilot rahbarlari hamda masʼul xodimlarga topshiriqlar berildi.

Tadbir doirasida boʻsh ish oʻrinlari yarmarkasi ham tashkil etildi.