2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
Olis qishloqda korxona ish boshladi

Avvallari chekka qishloqda ishlab chiqarilgan mahsulotlar xorijga eksport qilinadi desa hech kim ishonmasdi. Bugun bu oddiy haqiqatga aylandi. Farg‘ona viloyatida bunday korxonalar soni ko‘payib bormoqda.

Rishton tumanidagi “Bo‘jay” mahalla fuqarolar yig‘inida ish boshlagan ”Roshidon baraka chevari” mas’uliyati cheklangan jamiyati yangi imkoniyat eshiklarini ochdi. “O‘zpaxtasanoat” aksionerlik jamiyati homiyligida ish boshlagan korxona bir vaqtning o‘zida 150 dan ziyod yoshlarni ish bilan ta’minladi.

 

– Sakkiz yildan buyon ishsiz edim, – deydi Gulchehra Alieva. – Tuman aholi bandligiga ko‘maklashish markazi tavsiyasi bilan iqtisodiyot va servis kasb-hunar kollejida malaka oshirdim. Bu yerda mehnat qilish, dam olish bilan bog‘liq barcha qulayliklar yaratib berilgan. Endilikda uy, oila, farzandlarim tarbiyasidan ajralmagan holda foydali mehnat bilan band bo‘lganimdan xursandman.

 

Ayni kunda rishtonlik yoshlar ishlab chiqarayotgan turfa liboslarning ilk namunalari Rossiya, Qozog‘iston mamlakatlariga eksport qilish uchun hozirlab qo‘yildi.

 

– Shu kunga qadar Yozyovon va Rishton tumanlarida mana shunday zamonaviy ishlab chiqarish quvvatlari ishga tushirildi, – deydi “Farg‘ona baraka chevarlari” mas’uliyati cheklangan jamiyati rahbari Davron Jo‘raboev. – Ayni kunlarda Farg‘ona, Bag‘dod, Buvayda va O‘zbekiston tumanlarida ham qulay va ixcham ishlab chiqarish tarmoqlarini qurish, jihozlash bilan bog‘liq ishlar poyoniga yetmoqda. Bu chekka va olis qishloqlarda 2 ming 400 dan ortiq kafolatli ish o‘rinlari yaratish imkoniyatini beradi.

 

Yangi korxonaning ochilish marosimi katta tantanaga aylandi. Farg‘ona viloyati hokimi Sh.G‘aniev bu kabi ishlab chiqarish tarmoqlari xotin-qizlarning bandligini ta’minlashda muhim o‘rin tutishini ta’kidladi.

 

Tadbirda ishtirok etgan keng jamoatchilik vakillari ishlab chiqarish jarayonlari, ishchi-xizmatchilar uchun yaratib berilgan qulaylik va imkoniyatlar bilan tanishdilar.

25.02.2020

Hal etilgan murojaatlar

Murojaat tasnifiYuborish usuliKelib tushgan sanaKo'rib chiqilgan sanaHudud
Ишсиз деб эътироф этиш ва ишсизлик нафақасини тайинлашИшонч телефони12 Fevral 202421 Fevral 2024Qoraqalpog`iston Respublikasi
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Oktabr 202323 Fevral 2024Toshkent viloyati
Муҳтожларга бир марталик моддий ёрдамИшонч телефони27 Yanvar 202424 Fevral 2024Buxoro viloyati
Суриштирув, терговга қадар текширув ва тергов ҳаракатларидан норозиликВеб-сайт14 Fevral 202420 Fevral 2024Jizzax viloyati
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Fevral 202423 Fevral 2024Samarqand viloyati
Янги мактаб ташкил этиш, мактабга қўшимча иншоотлар қуришИшонч телефони17 Noyabr 202327 Fevral 2024Toshkent viloyati
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Fevral 202426 Fevral 2024Surxondaryo viloyati

Foydali resurslar