Davlatimiz rahbari Quva tumaniga tashrifi chog‘ida Farg‘ona viloyatida qishloq xo‘jaligi tarmoqlarini rivojlantirish loyihalari bilan tanishdi.

Parrandachilik, baliqchilik, asalarichilik, chorvachilik, tuyachilik, kartoshkachilik, limonchilik tarmoqlarini rivojlantirish, agrologistika markazi tashkil etish, er o‘lchash, suvdan unumli foydalanish va boshqa loyihalar bo‘yicha mutasaddilarga ko‘rsatmalar berildi.

Bu tarmoqlar xalqimizning rizqi manbai. Maqsadimiz - mahsulot etishtirishni ko‘paytirish hisobidan oziq-ovqat tovarlari narxini arzonlashtirish. Odamlar hozirgidek daromadi bilan ham to‘q, farovon yashashga imkoni bo‘lsin, dedi Shavkat Mirziyoev.

Prezidentimiz tadbirkor va mutaxassislar bilan suhbatlashdi. Qishloq xo‘jaligi mahsulotlari etishtirish hajmini oshirish, ularni saqlash, qadoqlash va iste’molchilarga etkazib berish bo‘yicha topshiriqlar berildi.