Surxondaryo viloyati hokimi Toʻra Bobolov Sho'rchi tumanidagi “Sovurtepa” mahallasida sayyor qabul oʻtkazdi. Bu haqda viloyat hokimligi matbuot xizmati xabar qildi.
Prezidentimiz rahnamoligida aholi bilan doimiy muloqot qilish, fuqarolarni qiynayotgan muammolarni hal etishning samarali mexanizm va usullari joriy etilgani mamlakatimizda amalga oshirilayotgan islohotlarning ustuvor yoʻnalishiga aylandi. Odamlarning dardini eshitish, ogʻirini yengil qilish yurtdoshlarimizning adolatga, davlatga boʻlgan ishonchini yanada mustahkamlayapti.
Inchunun, joylarda muntazam ravishda oʻtkazilayotgan sayyor qabullar aholi bilan yuzma-yuz muloqot qilish, ularning shikoyatlarini atroflicha oʻrganish, turli masalalar yechimini topish, har bir murojaatning ildiziga yetib borishga xizmat qilmoqda.
Soʻnggi 10 kun mobaynida birgina Sho'rchi tumanida uchinchi marotaba sayyor qabul uyushtirildi. Unda 4 ta sektor hamda viloyatdagi mutasaddi tashkilotlar rahbarlari, Xalq qabulxonasi vakillari bevosita ishtirok etib, murojaatlar atroflicha oʻrganilmoqda. Bugun “Sovurtepa” mahallasida oʻtkazilgan sayyor qabulda fuqarolardan 130 ta murojaat tushdi. Ularning 47 tasiga bugunning oʻzidayoq amaliy yordamlar koʻrsatildi. Vaqt va oʻrganish talab etadigan murojaatlar yechimi yuzasidan aniq va tezkor choralar koʻrish boʻyicha mutasaddi idora va tashkilotlar rahbarlariga tegishli topshiriqlar berildi.
Sayyor qabuldan soʻng viloyat hokimi tumanning “Joyilma” mahallasida yangidan bunyod etilgan aholi massivida boʻlib, 1 oy muddatda bu yerda odamlar uchun zarur qulayliklar yaratish, yoʻl qurilishi, elektr energiya, gaz, ichimlik suvi taʼminotini yaxshilash yuzasidan mutasaddilarga tegishli vazifalar yukladi.
Murojaat tasnifi | Yuborish usuli | Kelib tushgan sana | Ko'rib chiqilgan sana | Hudud |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Fevral 2024 | 21 Fevral 2024 | Qoraqalpog`iston Respublikasi |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Fevral 2024 | 26 Fevral 2024 | Surxondaryo viloyati |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Fevral 2024 | 23 Fevral 2024 | Samarqand viloyati |
Муҳтожларга бир марталик моддий ёрдам | Ишонч телефони | 27 Yanvar 2024 | 24 Fevral 2024 | Buxoro viloyati |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Oktabr 2023 | 23 Fevral 2024 | Toshkent viloyati |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Noyabr 2023 | 27 Fevral 2024 | Toshkent viloyati |
Суриштирув, терговга қадар текширув ва тергов ҳаракатларидан норозилик | Веб-сайт | 14 Fevral 2024 | 20 Fevral 2024 | Jizzax viloyati |